Շարունակվում է Սևանի՝ «կապանքներից ազատման» գործընթացը․ Շրջակա միջավայրի նախարար
Հասարակություն
Շրջակա միջավայրի նախարար Ռոմանոս Պետրոսյանն իր ֆեյսբուքյան էջում հայտնում է, որ համաձայն իր հանձնարարականի՝ «Սևան» ազգային պարկ» ՊՈԱԿ-ի ենթակա ափամերձ տարածքներում շարունակվում է ապօրինի շենք շինությունների, տաղավարների, պարիսպների ապամոնտաժման ու տարածքներն աղբից մաքրելու գործընթացը։
«Այս փուլում ապամոնտաժվում են 1901.5 մետր նիշից ներքև գտնվող ապօրինի կառուցված շենք-շինություններ, հանգստի գոտիների պարիսպներ, քարաշեն կիսակառույցներ, երկաթյա տնակներ ու տաղավարներ։
Ներկայումս աշխատանքներն իրականացվում են Սևանի հանրային լողափում, հանրային լողափից դեպի թերակզի ընկած ափամերձ և Սևանի նավամատույցի հարևանությամբ գտնվող լճափնյա հատվածներում։
Սևանա լճի ու դրա ջրհավաք ավազանի ջրային պաշարների, կենդանական և բուսական աշխարհի, էկոլոգիական ենթահամակարգերի անխաթարության ապահովման գործում անչափ կարևոր ու առանցքային է ափամերձ հատվածներում տնտեսվարման պատշաճ վերահսկողությունն ու ապօրինի շենք-շինությունների ապամոնտաժումը։
Բավականին մեծածավալ աշխատանքներ են ընթանում, սակայն դրանց ծավալը կախված է նաև «Սևան» ազգային պարկի սեփական կարողությունների ոչ բավարար հզորության հետ։ Արդեն մեկնարկել ենք այդ կարողությունների ընդլայնման և հզորացման գործընթացը․ շուտով ձեռք կբերվի նոր տեխնիկա, որի կիրառմամբ էլ ավելի մեծ թափով կընթանան լճի առափնյա հատվածներն արժանավայել տեսքի բերելու և կարգուկանոն հաստատելու աշխատանքները»,- ասված է հրապարակման մեջ։
Կարդացեք նաև
11 փետրվար 2021, 20:30
Զավթած տարածքը վերադարձվեց «Սևան» ազգային պարկի տնօրինմանը
12 փետրվար 2021, 11:31
Այսօր որոնողական աշխատանքներն իրականացվում են Բերձոր-Իշխանաձոր-Հադրութ ընկած տարածքներում
15 փետրվար 2021, 10:21
Երեւանում եւ 7 մարզերում լույս չի լինի
8 փետրվար 2021, 15:47
Աբովյանի թիվ 1 ավագ դպրոցի հարցով ՄԻՊ-ը պարզաբանումներ է պահանջել ԿԳՄՍ նախարարությունից և Ոստիկանությունից
12 փետրվար 2021, 19:38
Վատնման եղանակով հափշտակվել է 25 միլիոն դրամից ավելի գումար
13 փետրվար 2021, 14:36
Արարատի մարզի 12 համայնքների տարածքում գործող և չգործող 131 ձկնաբուծարաններից 41-ը ինքնակամ շինություններ են