Քաղաքացիակենտրոն
լրատվություն

Վարանդայի շրջանում հայտնաբերվել է 2 զոհված զինծառայողի աճյուն

Վարանդայի շրջանում հայտնաբերվել է 2 զոհված զինծառայողի աճյուն
Հասարակություն
10:46, 08 февраль 2021
Ադրբեջանի վերահսկողության տակ անցած Վարանդայի (Ֆիզուլի) շրջանից Արցախի Հանրապետության ՆԳՆ ԱԻ պետական ծառայության փրկարարական ջոկատները որոնողական աշխատանքների արդյունքում հայտնաբերել են ևս 2 զոհված զինծառայողի աճյուն, այս մասին հայտնում է «Արմենպրես» լրատվական գործակալությունը։

«Վերջիններիս ինքնությունը պարզ կլինի դատաբժշկական փորձաքննությունից հետո:Հրադադարից հետո որոնողական աշխատանքների արդյունքում հայտնաբերված աճյունների ընդհանուր թիվը փետրվարի 8-ի տվյալներով՝ 1367 է: Ռուսական խաղաղապահ զորակազմի հերթափոխի հետ կապված, այսօր որոնողափրկարարական աշխատանքներ չեն իրականացվի»,- ասված է Արցախի Հանրապետության ներքին գործերի նախարարության արտակարգ իրավիճակների պետական ծառայության տարածած հաղորդագրության մեջ: