Քաղաքացիակենտրոն
լրատվություն

Это вам не Армавир․ Մարտունիում Նժդեհի արձանի վերաբերյալ արցախցիների ակնարկը՝ ռուս խաղաղապահներին

Это вам не Армавир․ Մարտունիում Նժդեհի արձանի վերաբերյալ արցախցիների ակնարկը՝ ռուս խաղաղապահներին
Հասարակություն / Տարածաշրջան
15:48, 27 апрель 2021
Ռուս խաղաղապահների Արցախ տեղափոխվելուց հետո պարբերաբար լուրեր են տարածվում, որ ադրբեջանցիները պահանջում են Արցախի Մարտունու քաղաքից հեռացնել Հայաստանի ազգային հերոս Գարեգին Նժեդեհի հուշարձանը, որն ամիսներ առաջ է տեղադրվել, սակայն մինչ այժմ բացման պաշտոնական արարողություն չի եղել։ Մամուլում առկա լուրերի համաձայն՝ հուշարձանը հեռացնելու ակնարկ իրականում արել են ռուս խաղաղապահները, դա ներկայացնելով իբրև ադրբեջանցի զինվորականների պահանջ։ Անհականալի է՝ ինչպես կարող է Ադրբեջանը նման պահանջ դնել մի հուշարձանի համար, որը գտնվում է հայկական ուժերի եւ ռուս խաղաղապահների վերահսկողության ներքո։ 

Այսօր համացանցում տարածվել է լուսանկար, որտեղ Նժդեհի հուշարձանի պատվանդանին տեղադրվել է "Это вам не Армавир" գրությամբ պաստառ։ Դրանով արցախցիները թեերևս հիշեցնում են 2019 թ․-ին Ռուսաստանի Արմավիր քաղաքի ՀԱԵ տարածքից Նժդեհի հուշատախտակի ապամոնտաժումը, որից առաջ քաղաքային դումայի պատգամավոր Ալեքսեյ Վինոգրադովը սև ներկով պղծել էր եկեղեցու բակում տեղադրված Գարեգին Նժդեհի հուշատախտակը:

Հիշեցնենք՝ օրեր առաջ կրկին տեղեկություն կար, որ պահանջ է դրվել հեռացնել արձանը, սակայն ԱՀ նախագահի խոսնակ Լուսինե Ավանեսյանը  Civic.am-ի հետ զրույցում հերքել էր դա։