Հրդեհից այրվածքներ ստացած երկու զինծառայողները թեև շարունակում են մնալ վերակենդանացման բաժանմունքում, սակայն նկատելի դրական տեղաշարժ կա նրանց վիճակում. Այրվածքաբանության ազգային կենտրոն
Հասարակություն
Գեղարքունիքի մարզում հունվարի 19-ին զինվորական կացարանում բռնկված հրդեհի հետևանքով վիրավորում ստացած երեք զինվորներից երկուսը դեռևս գտնվում են վերակենդանացման բաժանմունքում, բայց բավականին նկատելի դրական դինամիկա կա երկուսի առողջական վիճակում:Այս մասին մեզ հայտնեց Այրվածքաբանության ազգային ինստիտուտի փոխտնօրենը:
Երրորդ զինվորի վիճակը, ինչպես ավելի վաղ հաղորդվել էր, ի սկզբանե համեմատաբար ծանր չի եղել: Նա շարունակում է բուժում ստանալ այրվածքաբանական բաժանմունքում:
Նշենք, որ հունվարի 19-ին, ժամը 01:30-ի սահմաններում, Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանցից չորսը բուժօգնություն ստանալուց հետո դուրս է գրվել, 3-ը ծանր վնասվածքներով տեղափոխվել է Երևան՝ Այրվածքաբանության ազգային կենտրոն:
Երրորդ զինվորի վիճակը, ինչպես ավելի վաղ հաղորդվել էր, ի սկզբանե համեմատաբար ծանր չի եղել: Նա շարունակում է բուժում ստանալ այրվածքաբանական բաժանմունքում:
Նշենք, որ հունվարի 19-ին, ժամը 01:30-ի սահմաններում, Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանցից չորսը բուժօգնություն ստանալուց հետո դուրս է գրվել, 3-ը ծանր վնասվածքներով տեղափոխվել է Երևան՝ Այրվածքաբանության ազգային կենտրոն: