Զորամասի կացարանի հրդեհից տուժած կապիտանը վերակենդանացման բաժանմունքից տեղափոխվել է հիվանդասենյակ
Հասարակություն
Գեղարքունիքի մարզի Ազատ գյուղի տարածքում տեղակայված զորամասի ինժեներասակրավորային վաշտի կացարանում հրդեհի հետևանքով այրվածքներ ստացած և Այրվածքաբանության ազգային կենտրոնի վերակենդանացման բաժանմունքում գտնվող երրորդ զինծառայողը տեղափոխվել է հիվանդասենյակ։ Այս մասին Civic.am-ին հայտնեց ՀՀ առողջապահության նախարարության խոսնակ Հռիփսիմե Խաչատրյանը։
Նշենք, որ խոսքը կապիտանի մասին է, որը հրդեհից հետո ծանր վնասվածքներով տեղափոխվել էր Այրվածքաբանական հիվանդանոց։ Ավելի վաղ հայտնել էինք, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում` Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 զինծառայող, ևս 3 հոգի տարբեր աստիճանի այրվածքներով տեղափոխվել հիվանդանոց, նրանց վիճակը գնահատվում էր ծանր։ Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 4-րդ մասով, այն է՝ շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է երկու և ավելի անձի մահ։
Քրեական վարույթով մեղադրանք է ներկայացվել 2-րդ բանակային կորպուսի թիկունքի և կոմունալ ծառայության բրիգադի հրամանատարի տեղակալ Գոռ Աղեկյանին՝ ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ) եւ որպես խափանման միջոց կիրառվել կալանավորումը՝ երկու ամիս ժամկետով։
Նշենք, որ խոսքը կապիտանի մասին է, որը հրդեհից հետո ծանր վնասվածքներով տեղափոխվել էր Այրվածքաբանական հիվանդանոց։ Ավելի վաղ հայտնել էինք, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում` Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 զինծառայող, ևս 3 հոգի տարբեր աստիճանի այրվածքներով տեղափոխվել հիվանդանոց, նրանց վիճակը գնահատվում էր ծանր։ Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 4-րդ մասով, այն է՝ շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է երկու և ավելի անձի մահ։
Քրեական վարույթով մեղադրանք է ներկայացվել 2-րդ բանակային կորպուսի թիկունքի և կոմունալ ծառայության բրիգադի հրամանատարի տեղակալ Գոռ Աղեկյանին՝ ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ) եւ որպես խափանման միջոց կիրառվել կալանավորումը՝ երկու ամիս ժամկետով։