Քաղաքացիակենտրոն
լրատվություն

15 զինվորի կյանք խլած զորամասի կացարանի հրդեհի գործով կալանավորվեց նաև ՀՀ ՊՆ N զորամասի կոմունալ շահագործման ծառայության պետը

15 զինվորի կյանք խլած զորամասի կացարանի հրդեհի գործով կալանավորվեց նաև ՀՀ ՊՆ N զորամասի կոմունալ շահագործման ծառայության պետը
Հասարակություն
23:11, 31 январь 2023
15 զինծառայողի մահվան գործով դատարանի որոշմամբ կալանավորվեց ՊՆ N զորամասի կոմունալ շահագործման ծառայության պետ, զորամասի հակահրդեհային պաշտպանության և փրկարար աշխատանքների ծառայության պետ մայորը։

Այս մասին Iravaban.net-ին հայտնեցին Գլխավոր դատախազության մամուլի ծառայությունից։

Հիշեցնենք, ավելի վաղ այս գործով կալանավորվել է զորամասի հրամանատարի տեղակալը:

Նշենք, որ մինչդատական քրեական վարույթի օրինականության նկատմամբ հսկողություն իրականացնող դատախազի կողմից 2023 թվականի հունվարի 30-ին որոշում է կայացվել ՀՀ ՊՆ N զորամասի կոմունալ շահագործման ծառայության պետ, զորամասի հակահրդեհային պաշտպանության և փրկարար աշխատանքների ծառայության պետ, մայոր Մ.Ս.-ի նկատմամբ հարուցել հանրային քրեական հետապնդում՝ ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ):