Աջափնյակում չորս կենսունակ ծառեր են հատել
Հասարակություն
Մարգարյան փողոցում (Աջափնյակ) մայիսի 7-ի երեկոյան ծայրահեղ անընդունելի և դատապարտելի դեպք է տեղի ունեցել. որոշ մարդիկ, կոպտորեն խախտելով օրինականության և մարդկային պարկեշտության մասին պատկերացումները, չորս կենսունակ խոշոր ծառեր են հատել համայնքային տարածքում. այս մասին հաղորդագրություն է տարածել Երևանի քաղաքապետարանը:
«Օրինազանցները ենթադրաբար նպատակ են ունեցել զավթել տարածքը՝ հետագայում դրա վրա ինչ-որ տնտեսական գործունեություն ծավալելու նպատակով։
Դեպքը արձանագրել են Երևանի «Կանաչապատում և շրջակա միջավայրի պահպանություն» ՀՈԱԿ-ի մասնագետները, ինչպես նաև՝ ոստիկանության ծառայողները։
Այս վրդովեցուցիչ արարքին համարժեք իրավական գնահատական կտան իրավապահ մարմինները։
Երևանի քաղաքապետարանը հետևողական է լինելու տարածքի բնական վիճակի վերականգնման հարցում։ Մասնավորապես, արդեն հանձնարարվել է «Կանաչապատում և շրջակա միջավայրի պահպանություն» ՀՈԱԿ-ին՝ սեղմ ժամկետներում վերստին կանաչապատել և բարեկարգել հանրային տարածքը։
Հակահասարակական նման վարքագիծ դրսևորողները որևէ արդարացում կամ ներողամտություն չեն կարող ակնկալել քաղաքային իշխանությունից»- ասված է հաղորդագրության մեջ։
Կարդացեք նաև
6 ապրիլ 2021, 14:42
Նպատակ ենք դրել արտադրել սեփական բուսային ֆոնդը՝ ամեն տարի ծաղիկների և թփերի գնում կազմակերպելու փոխարեն. Հայկ Մարության
17 ապրիլ 2021, 18:12
Երևանցիները շաբաթօրյակ են իրականացրել Հրազդանի կիրճում
1 ապրիլ 2021, 23:06
Ստեփանավանի ոստիկաններն ապօրինի ծառահատման դեպք են բացահայտել
28 ապրիլ 2021, 15:55
Դավթաշեն վարչական շրջանում կկառուցվի պուրակ նվիրված արցախյան 44-օրյա պատերազմում զոհված հերոսների հիշատակին
1 ապրիլ 2021, 14:29
Միտումնավոր կոտրել են Հալաբյան փողոցում տեղադրված աղբամաններից մեկը
2 մարտ 2021, 20:54
Ժամանակավոր ցանկապատի համար Երևանի քաղաքապետարանը կառուցապատողներին նոր ձևավորում է առաջարկում