Քաղաքացիակենտրոն
լրատվություն

ՆԳ նախարարի ավտոշարասյան համար ճանապարհը մասնակի փակելու հետևանքով տեղի ունեցած վթարի դեպքով նշանակվել է ծառայողական քննություն

ՆԳ նախարարի ավտոշարասյան համար ճանապարհը մասնակի փակելու հետևանքով տեղի ունեցած վթարի դեպքով նշանակվել է ծառայողական քննություն
Հասարակություն
21:30, 08 июнь 2023
Համացանցում հրապարակում է տարածվել Գրիգոր Լուսավորչի փողոցում այսօր առավոտյան տեղի ունեցած վթարի վերաբերյալ: Նշվել է, որ վթարը տեղի է ունեցել ՆԳ նախարարի ավտոշարասյան համար ճանապարհը մասնակի փակելու պատճառով:

Ոստիկանությունից պարզաբանում են, որ ՆԳՆ ներքին անվտանգության վարչությունում նշված ճանապարհատրանսպորտային պատահարով արդեն իսկ նշանակված է ծառայողական քննություն:

Ծառայողական քննության շրջանակում քննարկման առարկա կդառնա նաև ուղեկցող անձնակազմի գործողությունների պատճառահետևանքային կապը տեղի ունեցած վթարի հետ: Բացի դրանից՝ նախաքննական մարմնում նախաձեռնվել է քրեական վարույթ:
Արդյունքների մասին լրացուցիչ կտեղեկացվի: