Մեկ օրում կորոնավիրուսի հետևանքով մահացել է 3 քաղաքացի, արձանագրվել է վարակման 104 նոր դեպք

Հայաստանում փետրվարի 22-ի դրությամբ հաստատվել է կորոնավիրուսով վարակման 104 նոր դեպք, վարակվածների ընդհանուր թիվը հասել է 170 506-ի:

Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 3 քաղաքացի, մահացածների թիվը 3167 է:

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան 2 դեպք: Փետրվարի 22-ի դրությամբ մահվան այս դեպքերի թիվը 803 է: Ընդհանուր առմամբ, մեկ օրում մահացել է 5 մարդ, իսկ մահվան ընդհանուր դեպքերի թիվը հասել է 3970-ի:

Մեկ օրում առողջացածների թիվը 104 է, ընդհանուր առողջացածներինը՝ 162 098, փաստացի բուժվողներինը՝ 4438 (մեկ օրում նվազել է 5-ով): Մեկ օրում արվել է 3198 թեստ, ընդհանուր առմամբ առ այսօր արվել է 707 329 թեստ: