«Օպենհեյմեր» ֆիլմը՝ «Ոսկե գլոբուս»-ի մրցանակակիր. ինչի համար է պարգևատրվել նրա գլխավոր մրցակից «Բարբի»-ն

Քրիստոֆեր Նոլանի «Օպենհեյմեր» ֆիլմը հունվարի 7-ի երեկոյան Բևերլի Հիլզում կայացած 81-րդ «Ոսկե գլոբուս» մրցանակաբաշխության ժամանակ հաղթել է «Լավագույն դրամատիկական ֆիլմ» անվանակարգում:

Նոլանը արժանացել է մրցանակի լավագույն ռեժիսուրայի համար։ Քիլիան Մերֆին՝ «Օպենհեյմեր» ֆիլմի գլխավոր դերակատարը, ճանաչվել է դրամատիկական ֆիլմի լավագույն դերասան։ Ռոբերտ Դաունի կրտսերը մրցանակ է ստացել որպես երկրորդ պլանի լավագույն դերասան։ Բացի դրանից, ֆիլմը հաղթել է «Լավագույն օրիգինալ սաունդթրեք» անվանակարգում։ Մրցանակը ստացել է կոմպոզիտոր Լյուդվիգ Գորանսոնը։

Նախագծում «Օպենհեյմերի» գլխավոր մրցակիցը՝ Գրետա Գերվիգի «Բարբի» ֆիլմը,  պարգևատրվել է «Կինեմատոգրաֆիական և վարձակալության ձեռքբերումների» համար: Բիլի Այլիշը «Ոսկե գլոբուս» է նվաճել այս ֆիլմում «What Was I Made For?» երգի համար: