Հայաստանի արբանյակի կառավարման կայանի աշխատանքները գրեթե ավարտված են. ԲՏԱ նախարար
«Արբանյակի կառավարման կայանի աշխատանքները գրեթե ավարտված են։ Ի սկզբանե պլանավորված էր, որ 2023թ. կունենանք ընդունիչ կայանն ու կառավարման կայանը»,- Civic.am-ի հետ զրույցում ասաց բարձր տեխնոլոգիական արդյունաբերության նախարար Ռոբերտ Խաչատրյանը։
Նախարարի խոսքով՝ կառավարման կենտրոնի սարքավորումները դեռևս 2022թ.-ին են բերվել Հայաստան, իսկ հիմա մոնտաժային աշխատանքներն են ընթանում և մոտ ժամանակներում կավարտվեն: «Իսկ ընդունիչ կայանը պատրաստ կլինի մայիսին։ Սրանով մենք ամբողջ համակարգը կունենանք և կկարողանանք Հայաստանից կառավարել արբանյակը»,- հավելեց Ռոբերտ Խաչատրյանը։
ԲՏԱ նախարարի խոսքով՝ արբանյակի ընդամենը հրահանգավորումն է արվում այլ կայանի միջոցով, բայց կառավարումը Հայաստանից է իրականացվում նաև հիմա. «Ինչ նկար ստացվի, ինչպես իրականացվի կառավարումը՝ դա Հայաստանն է որոշում»։
Ռոբերտ Խաչատրյանն ընդգծեց, որ արբանյակից ստացված ինֆորմացիայի սեփականատերը ՀՀ-ն է։ Նախարարը տեղեկացրեց նաև, որ ընդունիչ կայանն ու կառավարման կայանը կլինեն Երևանում։
Արբանյակից ստացված նկարները իրենց աշխատանքում օգտագործելու համար ԲՏԱ նախարարությանն արդեն իսկ դիմել են շրջակա միջավայրի ու տարածքային կառավարման և ենթակառուցվածքների նախարարություններից։
Հիշեցնենք, որ դեռևս նախորդ տարվա մայիսին ԱՄՆ Կանավերալ հրվանդանում գտնվող տիեզերակայանից «Սփեյս Իքս» տիեզերանավով հայկական առաջին «Արմսաթ-1» արբանյակը երկրի ուղեծիր արձակվեց։
Նարա Մարտիրոսյան
Մանրամասն՝ տեսանյութում
Նախարարի խոսքով՝ կառավարման կենտրոնի սարքավորումները դեռևս 2022թ.-ին են բերվել Հայաստան, իսկ հիմա մոնտաժային աշխատանքներն են ընթանում և մոտ ժամանակներում կավարտվեն: «Իսկ ընդունիչ կայանը պատրաստ կլինի մայիսին։ Սրանով մենք ամբողջ համակարգը կունենանք և կկարողանանք Հայաստանից կառավարել արբանյակը»,- հավելեց Ռոբերտ Խաչատրյանը։
ԲՏԱ նախարարի խոսքով՝ արբանյակի ընդամենը հրահանգավորումն է արվում այլ կայանի միջոցով, բայց կառավարումը Հայաստանից է իրականացվում նաև հիմա. «Ինչ նկար ստացվի, ինչպես իրականացվի կառավարումը՝ դա Հայաստանն է որոշում»։
Ռոբերտ Խաչատրյանն ընդգծեց, որ արբանյակից ստացված ինֆորմացիայի սեփականատերը ՀՀ-ն է։ Նախարարը տեղեկացրեց նաև, որ ընդունիչ կայանն ու կառավարման կայանը կլինեն Երևանում։
Արբանյակից ստացված նկարները իրենց աշխատանքում օգտագործելու համար ԲՏԱ նախարարությանն արդեն իսկ դիմել են շրջակա միջավայրի ու տարածքային կառավարման և ենթակառուցվածքների նախարարություններից։
Հիշեցնենք, որ դեռևս նախորդ տարվա մայիսին ԱՄՆ Կանավերալ հրվանդանում գտնվող տիեզերակայանից «Սփեյս Իքս» տիեզերանավով հայկական առաջին «Արմսաթ-1» արբանյակը երկրի ուղեծիր արձակվեց։
Նարա Մարտիրոսյան
Մանրամասն՝ տեսանյութում