Քաղաքացիակենտրոն
լրատվություն

Ըմբիշ Արսեն Հարությունյանը դարձավ ԱԱ-ի բրոնզե մեդալակիր և նվաճեց Փարիզի խաղերի ուղեգիր

Ըմբիշ Արսեն Հարությունյանը դարձավ ԱԱ-ի բրոնզե մեդալակիր և նվաճեց Փարիզի խաղերի ուղեգիր
Սպորտ
21:57, 18 сентябрь 2023
 Հայաստանի ազատ ոճի ըմբշամարտի հավաքականի անդամ Արսեն Հարությունյանը դարձավ աշխարհի առաջնության եռակի բրոնզե մեդալակիր և նվաճեց Փարիզի Օլիմպիական խաղերի ուղեգիր:

«Արմենպրես»-ի հաղորդմամբ` Սերբիայի մայրաքաղաք Բելգրադում ընթացող ըմբշամարտի աշխարհի վարկանիշային առաջնության 57 կգ քաշային կարգի բրոնզե մեդալի համար գոտեմարտում Հարությունյանն ուժերը չափեց ղազախ Մեյրամբեկ Կարտբայի հետ: Հայ ըմբիշը հաղթեց 11:0 հաշվով:

Արսեն Հարությունյանն Եվրոպայի եռակի չեմպիոն է, աշխարհի առաջնության` եռակի բրոնզե մեդալակիր, մասնակցել է Տոկիոյի 32-րդ ամառային Օլիմպիական խաղերին:

Փարիզի 33-րդ ամառային Օլիմպիական խաղերը կկայանան 2024 թվականի հուլիսի 24-ից օգոստոսի 11-ը: