«Եղել եմ Բաքվում, մասնակցել եմ մարզական իրադարձությունների և ոչ մի խնդիր չեմ տեսնում, որ իրենք էլ գան մասնակցեն»․ Կարեն Գիլոյանը՝ Հայաստանում կայանալիք բռնցքամարտի Եվրոպայի առաջնության մասին
Սպորտ
Այսօր ԿԳՄՍ նախարարի տեղակալ Կարեն Գիլոյանն ու Հայաստանի բռնցքամարտի ֆեդերացիայի նախագահ Հովհաննես Հովսեփյանը մամուլի ասուլիսի ժամանակ հայտնեցին, որ վերջապես Հայաստանում կայանալու է շատ բարձր կարգի մարզական միջոցառում, և 2022 թվականի մայիսին մեր երկրում տեղի է ունենալու բռնցքամարտի Եվրոպայի առաջնությունը։
«Թե ինչքան կարևոր է այս մրցույթը՝ մասնագետները կհասկանան և կգնահատեն։ Ասեմ, որ նույնիսկ խորհրդային տարիներին Հայաստանում այսպիսի սպորտային միջոցառում տեղի չի ունեցել»,- նշեց պարոն Գիլոյանը։
Բռնցքամարտի Հայաստանի ֆեդերացիան Միջազգային ֆեդերացիային է ներկայացրել իր ծրագիրը, որից հետո անցկացվել է քվեարկություն, և մի քանի թեկնածուներից հաղթել է Հայաստանի ֆեդերացիան՝ Երևան մրցավայրով։ Մյուս մրցակից երկրների շարքում են եղել Ռուսաստանը, Իսպանիան, և Հայաստանը առանձնակի առավելությամբ է հաղթել։
Մրցաշարը տեղի է ունենալու Կարեն Դեմիրճյանի անվան մարզահամերգային համալիրում։
Անդրադառնալով Ադրբեջանի մասնակցությանն ու միջոցառման շրջանակներում նրանց թիմի Հայաստան այցելելուն՝ Կարեն Գիլոյանը նշեց, որ նա ինքը Բաքվում այցելել է մարզական միջոցառումների և ոչ մի խնդիր չի տեսնում, որ նրանք էլ գան Հայաստան։
«Մեկ անգամ՝ 9 օրով, մեկ անգամ 18 օրով եղել եմ Բաքվում, մասնակցել եմ մարզական իրադարձությունների և ոչ մի խնդիր չեմ տեսնում, որ իրենք էլ գան մասնակցեն։ Սա, ի վերջո, սպորտ է։ Մենք պարտավոր ենք ապահովել անվտանգությունը, և դրա համար երկիրը համապատասխան միջոցներն ունի, ու այդ ամենը կկազմակերպվի բարձր մակարդակով։ Այլ հարց է, որ մենք պետք է այնպիսի հավաքական պատրաստենք, որ մեր մրցակիցներին ռինգում տանուլ չտանք»,- նշեց Գիլոյանը։
Նրա փոխանցմամբ՝ ՀՀ կառավարությունը հանձն է առել ամբողջովին և համակողմանիորեն աջակցել մրցման անցկացմանը։ Ֆեդերացիան համագործակցելու է ՀՀ օլիմպիական կոմիտեի, Երևանի քաղաքապետարանի և այլ մարզական հասարակական կազմակերպությունների հետ։
Շուտով կստեղծվի կառավարական կազմկոմիտե, որը մինչև խաղերի մեկնարկը հաճախակի կանցկացնի նիստեր և ամեն ինչ կանի, որ Հայաստան պետությունը Եվրոպային և աշխարհին ներկայանա որպես բարձրակարգ մրցում անցկացնող երկիր։
«Թե ինչքան կարևոր է այս մրցույթը՝ մասնագետները կհասկանան և կգնահատեն։ Ասեմ, որ նույնիսկ խորհրդային տարիներին Հայաստանում այսպիսի սպորտային միջոցառում տեղի չի ունեցել»,- նշեց պարոն Գիլոյանը։
Բռնցքամարտի Հայաստանի ֆեդերացիան Միջազգային ֆեդերացիային է ներկայացրել իր ծրագիրը, որից հետո անցկացվել է քվեարկություն, և մի քանի թեկնածուներից հաղթել է Հայաստանի ֆեդերացիան՝ Երևան մրցավայրով։ Մյուս մրցակից երկրների շարքում են եղել Ռուսաստանը, Իսպանիան, և Հայաստանը առանձնակի առավելությամբ է հաղթել։
Մրցաշարը տեղի է ունենալու Կարեն Դեմիրճյանի անվան մարզահամերգային համալիրում։
Անդրադառնալով Ադրբեջանի մասնակցությանն ու միջոցառման շրջանակներում նրանց թիմի Հայաստան այցելելուն՝ Կարեն Գիլոյանը նշեց, որ նա ինքը Բաքվում այցելել է մարզական միջոցառումների և ոչ մի խնդիր չի տեսնում, որ նրանք էլ գան Հայաստան։
«Մեկ անգամ՝ 9 օրով, մեկ անգամ 18 օրով եղել եմ Բաքվում, մասնակցել եմ մարզական իրադարձությունների և ոչ մի խնդիր չեմ տեսնում, որ իրենք էլ գան մասնակցեն։ Սա, ի վերջո, սպորտ է։ Մենք պարտավոր ենք ապահովել անվտանգությունը, և դրա համար երկիրը համապատասխան միջոցներն ունի, ու այդ ամենը կկազմակերպվի բարձր մակարդակով։ Այլ հարց է, որ մենք պետք է այնպիսի հավաքական պատրաստենք, որ մեր մրցակիցներին ռինգում տանուլ չտանք»,- նշեց Գիլոյանը։
Նրա փոխանցմամբ՝ ՀՀ կառավարությունը հանձն է առել ամբողջովին և համակողմանիորեն աջակցել մրցման անցկացմանը։ Ֆեդերացիան համագործակցելու է ՀՀ օլիմպիական կոմիտեի, Երևանի քաղաքապետարանի և այլ մարզական հասարակական կազմակերպությունների հետ։
Շուտով կստեղծվի կառավարական կազմկոմիտե, որը մինչև խաղերի մեկնարկը հաճախակի կանցկացնի նիստեր և ամեն ինչ կանի, որ Հայաստան պետությունը Եվրոպային և աշխարհին ներկայանա որպես բարձրակարգ մրցում անցկացնող երկիր։