Նոբել Առուստամյանը հավատարմագրում չի ստացել՝ ադրբեջանական կողմի արգելափակման պատճառով

Հայտնի բլոգեր Վասիլի Ուտկինը հայտնում է, որ լրագրող և մեկնաբան Նոբել Առուստամյանը հավատարմագրում չի ստացել առաջիկա 2020 թվականի Եվրոպայի առաջնության համար:

«Եթե աշխարհում անասնական անարդարություն կա, ապա ահա այն: Նոբել Առուստամյանն իրականում չի աշխատի Եվրոյում: Նա հավատարմագրված չէ: Նոբելը հավատարմագրված չէ!!! Քանի որ բոլոր երկրներում բոլոր տեղական կազմակերպչական կոմիտեները պետք է կանաչ լույս տան հավատարմագրման համար:

Եվ Բաքուն արգելափակեց Նոբելի հավատարմագրումը, ով, ի դեպ, ծնունդով Բաքվից է: Ի՞նչ է սա, եթե ոչ մարդուն մասնագիտական գործունեությամբ զբաղվելու իրավունքից զրկել: Բաքվում Եվրոյի կազմկոմիտե, ընդունիր իմ սառցե նողկանքի ճառագայթները», – գրել է Ուտկինն իր տելեգրամյան ալիքում:

Եվրո-2020-ը պետք է կայանար անցած ամառ, բայց կորոնավիրուսային համաճարակի պատճառով մրցաշարը հետաձգվեց 2021 թ.։ Հանդիպումները տեղի կունենան հունիսի 11-ից հուլիսի 11-ը: