Ռուսաստանի գործողությունները հակասում են Ուկրաինայի ինքնիշխանությանն ու տարածքային ամբողջականությանը. Էրդողան

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ:

Թուրքիայի նախագահի աշխատակազմի հանրային կապերի վարչության հաղորդմամբ՝ Էրդողանը շեշտել է, որ միշտ մեծ կարևորություն է տալիս տարածաշրջանային խնդիրների հարցով ՌԴ նախագահի հետ սերտ երկխոսությանը:

Էրդողանը նշել է, սակայն, որ Անկարան չի ճանաչում «Ուկրաինայի ինքնիշխանությանն ու տարածքային ամբողջականությանը հակասող քայլերը»: Նա կոչ է արել խնդիրը լուծել դիվանագիտական ճանապարհով՝ ընդգծելով, որ «Թուրքիան ՆԱՏՕ-ի ներսում էլ կառուցողական դիրքորոշում է որդեգրել»:

Էրդողանը հիշեցրել է, որ թուրքական կողմը ամենակարճ ժամանակահատվածում սպասում է Պուտինի այցին:

Էրդողանի վարչակազմը հայտնել է, որ Ռուսաստանի հատուկ գործողությունը դիտարկում է որպես «ռազմական միջամտություն»։