Մոլդովայում արտակարգ դրություն կսահմանվի, և կփակվի երկրի օդային տարածքը

Մոլդովայի անվտանգության բարձրագույն խորհուրդը որոշել է երկրում արտակարգ դրություն սահմանել՝ պայմանավորված Ուկրաինայի շուրջ ստեղծված իրավիճակով: Այդ մասին հայտարարել է Մոլդովայի նախագահ Մայա Սանդուն:

Նրա խոսքով՝ այսօր արտակարգ իրավիճակների հանձնաժողովը նիստ կանցկացնի, որում կքննարկի ճգնաժամի կառավարման միջոցները:

Բացի այդ, Մոլդովայի փոխվարչապետը հայտնել է երկրի օդային տարածքը փակելու մասին: