Ուկրաինայում ստեղծված իրավիճակը քննարկել են Մակրոնն ու Էրդողանը

Թուրքիայի և Ֆրանսիայի նախագահներ Ռեջեփ Թայիփ Էրդողանն ու Էմանուել Մակրոնը հեռախոսազրույց են ունեցել, որի ընթացքում քննարկել են Ուկրաինայում այժմ տիրող իրավիճակն ու հետևանքները:

Թուրքիայի նախագահի մամուլի ծառայությունից նշում են, որ հեռախոսազրույցի ընթացքում քննարկվել են Ուկրաինայում Ռուսաստանի ռազմական միջամտությունը և վերջին զարգացումները:

Հիշեցնենք, թե՛ Մակրոնը, թե՛ Էրդողանը հայտարարել են, որ պատրաստ են որպես միջնորդ հանդես գալ ռուս-ուկրաինական թնջուկի՝ դիվանագիտական ճանապարհով  հանգուցալուծման գործում: