Քաղաքացիակենտրոն
լրատվություն

Զելենսկին հայտարարել է, որ Պուտինի հետ կքննարկի միայն հակամարտության դադարեցման հարցը

Զելենսկին հայտարարել է, որ Պուտինի հետ կքննարկի միայն հակամարտության դադարեցման հարցը
Աշխարհ
12:04, 24 май 2022
Ուկրաինայի նախագահ Վոլոդիմիր Զելենսկին հայտարարել է, որ պատրաստ է հանդիպելու միայն Ռուսաստանի նախագահ Վլադիմիր Պուտինի հետ և միայն այն դեպքում, եթե իրենք քննարկեն հակամարտության դադարեցման հարցը։

Նա խոստովանել է, որ նման հանդիպման կազմակերպումը ավելի ու ավելի է բարդանում: «Ինչ-որ սահման կա, որն արդեն դժվար է անցնել»,- հավելել է Զելենսկին:

Ավելի վաղ Կրեմլի խոսնակ Դմիտրի Պեսկովը հայտնել էր, որ Մոսկվան չի հրաժարվում երկու երկրի ղեկավարների հանդիպումից, սակայն Ռուսաստանի և Ուկրաինայի բանակցողները պետք է համապատասխան փաստաթուղթ համաձայնեցնեն, որն այնուհետև կվերջնականացվի ամենաբարձր մակարդակով։