Իրանը հրաժարվեց միջուկային գործարքի վերականգնման համար առանցքային պահանջներից. Reuters

Իրանը Գործողությունների համատեղ համապարփակ ծրագրի (ԳՀՀԾ) վերականգնման շրջանակներում հրաժարվեց մի շարք առանցքային պահանջներից, օրինակ՝ մի շարք վայրերում ուրանի հետքերի ծագման միջազգային հետաքննությունը փակելու պահանջից: Այս մասին հայտնում է Reuters-ը՝ վկայակոչելով ԱՄՆ անանուն պաշտոնյայի հայտարարությունը, ով ցանկացել է անհայտ մնալ։

Գործակալության զրուցակիցը նշել է, որ անցած շաբաթ Իրանը փաստացի հրաժարվեց հիմնական պահանջներից, ինչը, ըստ նրա, ավելի է բարդացրել գործարքը։

«Կարծում ենք՝ նրանք վերջապես հատեցին ռուբիկոնը եւ քայլ արեցին դեպի հնարավոր գործարք՝ ԱՄՆ նախագահ Ջո Բայդենի համար ընդունելի պայմաններով։ Նույնիսկ եթե ​​մեզ հաջողվեց ավելի մոտ դառնալ, դա Իրանի կողմից քայլի շնորհիվ է։ Նրանք զիջումների գնացին այն հարցերում, որոնք ի սկզբանե պաշտպանում էին»,- ասել է նա։

Աղբյուրը հայտնել է, որ Վաշինգտոնը դեռ ուսումնասիրում է Իրանի արձագանքը։

«Եթե գործարքը հաջողի, ապա մենք կհանենք մի շարք պատժամիջոցներ, սակայն Իրանը պետք է սահմանափակի իր միջուկային ծրագիրը»,- խոստովանել է ԱՄՆ ներկայացուցիչը։

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել է, որ Իրանի հետ միջուկային բանակցություններում ներգրավված երկրների մեծ մասը համաձայն է գործարքի վերաբերյալ ԵՄ առաջարկին։ Եվրոպական դիվանագիտության ղեկավարն ընդգծել է, որ Իրանի արձագանքը ԵՄ-ի առաջարկներին ողջամիտ է, բայց, միեւնույն ժամանակ, հիշեցրել է, որ ԱՄՆ-ի կողմից պաշտոնական պատասխան դեռ չի ստացվել։