Այսօր Իտալիայում արտահերթ խորհրդարանական ընտրություններ են. Ինչ սպասել Ջորջա Մելոնիի հաղթանակի դեպքում
Աշխարհ
Այսօր Իտալիայում մեկնարկել են արտահերթ խորհրդարանական ընտրությունները, որոնցում, ըստ կանխատեսումների, լավագույն արդյունքի կհասնի աջակողմյան կուսակցությունների կոալիցիան, հայտնում է Associated Press-ը։
Ընտրատեղամասերը բացվել են տեղական ժամանակով ժամը 7:00-ին (Մոսկվայի ժամանակով՝ 8:00-ին): Սպասվում է, որ ընտրությունների միջանկյալ արդյունքները կարող են ստացվել երկուշաբթի առավոտյան։
Ընտրություններն անցկացվում են խորհրդարանի երկու պալատներում՝ Պատգամավորների պալատում և Սենատում։ Քվեարկելու իրավունք ունի մոտ 51 միլիոն իտալացի։
Իտալիայում մինչ ընտրությունները վերջին պաշտոնական հարցումները հրապարակվել են սեպտեմբերի 9-ին։ Դրանք ցույց են տալիս, որ աջ կենտրոնամետներն ընտրություններում հնարավորություն ունեն զգալիորեն գերազանցելու բոլոր մրցակիցներին։ Դատելով հարցման արդյունքներից՝ ամենից շատ ձայներ կստանա աջակողմյան «Իտալիայի եղբայրներ» կուսակցությունը (25,3%), որը գլխավորում է Ջորջա Մելոնին։ Երկրորդ տեղում ձախակողմյան Դեմոկրատական կուսակցությունն է (21,2%)։ Դրան հաջորդում է պոպուլիստական «Հինգ աստղերի շարժումը (13,8%)։ Աջակողմյան «Լիգա» կուսակցությունը կարող է 12,9%-ի հույս ունենալ։
AP-ն նշում է, որ Մելոնին հնարավորություն ունի դառնալու Իտալիայի պատմության մեջ առաջին կին վարչապետը։ Միաժամանակ, Իտալիան կարող է ստանալ առաջին աջակողմյան կառավարությունը՝ Երկրորդ համաշխարհային պատերազմից ի վեր:
Ինչ վերաբերում է Մելոնիի հաղթանակի դեպքում Ռուսաստանի հետ Իտալիայի հարաբերություններին, ապա նա իր տված բոլոր հարցազրույցներում Ռուսաստանն ու Չինաստանը համարել է Արևմուտքի հակառակորդներ և պատրաստ է բոլոր ուժերով հակադրվել նրանց: Նա ոչ մի համակրանք չունի Պուտինի նկատմամբ և պատրաստվում է աջակցել ԵՄ-ի ու ՆԱՏՕ-ի ներկայիս քաղաքականությանը Ռուսաստանի հանդեպ և օգնություն ցուցաբերել Ուկրաինային։
Նույնիսկ ընդդիմություն եղած ժամանակ Մելոնին միշտ կողմ է քվեարկել Ռուսաստանի դեմ պատժամիջոցներին, ասել է ՆԱՏՕ-ում Իտալիայի նախկին դեսպան Ստեֆանո Ստեֆանինին։
«Նա ոչ մի պատճառ չունի փոխելու իր դիրքորոշումը իշխանության գալուց հետո»,- ասել է նա BBC-ին։
Ընտրատեղամասերը բացվել են տեղական ժամանակով ժամը 7:00-ին (Մոսկվայի ժամանակով՝ 8:00-ին): Սպասվում է, որ ընտրությունների միջանկյալ արդյունքները կարող են ստացվել երկուշաբթի առավոտյան։
Ընտրություններն անցկացվում են խորհրդարանի երկու պալատներում՝ Պատգամավորների պալատում և Սենատում։ Քվեարկելու իրավունք ունի մոտ 51 միլիոն իտալացի։
Իտալիայում մինչ ընտրությունները վերջին պաշտոնական հարցումները հրապարակվել են սեպտեմբերի 9-ին։ Դրանք ցույց են տալիս, որ աջ կենտրոնամետներն ընտրություններում հնարավորություն ունեն զգալիորեն գերազանցելու բոլոր մրցակիցներին։ Դատելով հարցման արդյունքներից՝ ամենից շատ ձայներ կստանա աջակողմյան «Իտալիայի եղբայրներ» կուսակցությունը (25,3%), որը գլխավորում է Ջորջա Մելոնին։ Երկրորդ տեղում ձախակողմյան Դեմոկրատական կուսակցությունն է (21,2%)։ Դրան հաջորդում է պոպուլիստական «Հինգ աստղերի շարժումը (13,8%)։ Աջակողմյան «Լիգա» կուսակցությունը կարող է 12,9%-ի հույս ունենալ։
AP-ն նշում է, որ Մելոնին հնարավորություն ունի դառնալու Իտալիայի պատմության մեջ առաջին կին վարչապետը։ Միաժամանակ, Իտալիան կարող է ստանալ առաջին աջակողմյան կառավարությունը՝ Երկրորդ համաշխարհային պատերազմից ի վեր:
Ինչ վերաբերում է Մելոնիի հաղթանակի դեպքում Ռուսաստանի հետ Իտալիայի հարաբերություններին, ապա նա իր տված բոլոր հարցազրույցներում Ռուսաստանն ու Չինաստանը համարել է Արևմուտքի հակառակորդներ և պատրաստ է բոլոր ուժերով հակադրվել նրանց: Նա ոչ մի համակրանք չունի Պուտինի նկատմամբ և պատրաստվում է աջակցել ԵՄ-ի ու ՆԱՏՕ-ի ներկայիս քաղաքականությանը Ռուսաստանի հանդեպ և օգնություն ցուցաբերել Ուկրաինային։
Նույնիսկ ընդդիմություն եղած ժամանակ Մելոնին միշտ կողմ է քվեարկել Ռուսաստանի դեմ պատժամիջոցներին, ասել է ՆԱՏՕ-ում Իտալիայի նախկին դեսպան Ստեֆանո Ստեֆանինին։
«Նա ոչ մի պատճառ չունի փոխելու իր դիրքորոշումը իշխանության գալուց հետո»,- ասել է նա BBC-ին։