Երկրաշարժի զոհերի թիվը Թուրքիայում և Սիրիայում հասել է մոտ 6000-ի

Աշխարհ

18:10, 07 февраль 2023

Թուրքիայում և Սիրիայում տեղի ունեցած ուժեղ երկրաշարժի հետևանքով զոհերի թիվը դեռ ավելանում է։ Թուրքիայում զոհերի թիվը գերազանցել է 5000-ը: Հայտնում է AP գործակալությունը։

Վատ եղանակը շարունակում էր խոչընդոտել հազարավոր փլուզված բազմաբնակարան շենքերում և տներում արգելափակված մարդկանց ազատելու ջանքերին։

Թուրքիան հայտնել է, որ ավելի քան 3 հազար փրկարար է ժամանել միջազգային օգնության ջանքերի շրջանակում։
Սիրիայի առողջապահության նախարարության տվյալներով՝ Սիրիայի կառավարական վերահսկողության տակ գտնվող շրջաններում զոհերի թիվը հասել է 800-ի, վիրավորվել՝ մոտ 1400-ը:

Երկրի ապստամբների վերահսկողության տակ գտնվող հյուսիս-արևմուտքում ընդդիմության՝ Սիրիայի քաղաքացիական պաշտպանության փրկարարական գործողությունները ղեկավարող խումբը հայտնել է, որ առնվազն 790 մարդ է զոհվել և ավելի քան 2200-ը վիրավորվել:

Երկու երկրների զոհերի թվում կան նաև ազգությամբ հայեր, հայտնել է Հայաստանի արտաքին գործերի նախարարությունը։