Քաղաքացիակենտրոն
լրատվություն

Մևլութ Չավուշօղլուն վրացի գործնկերոջ հետ հանդիպմանը խոսել է նաև Հայաստանի մասին

Մևլութ Չավուշօղլուն վրացի գործնկերոջ հետ հանդիպմանը խոսել է նաև Հայաստանի մասին
Տարածաշրջան
18:26, 28 июль 2022
Թուրքիայի արտգործնախարար Մևլութ Չավուշօղլուն Վրաստանի արտգործնախարար Իլյա Դարչիաշվիլիի հետ տեղի ունեցած հանդիպումից հետո կայացած մամուլի ասուլիսի ընթացքում անդրադարձել է տարածաշրջանային խնդիրներին:

Չավուշօղլուն նշել է, որ իր վրացի գործընկերոջ հետ հանդիպման ընթացքում բացի երկկողմ հարաբերություններից անդրադարձ է կատարվել նաև տարածաշրջանային խնդիրներին, ինչպես օրինակ Ուկրաինայում տիրող իրավիճակին և Ղարաբաղի հարցին:
Թուրքիայի արտգործնախարարը մասնավորապես ասել է.

«Վրաստանը կազմակերպեց Հայաստանի և Ադրբեջանի արտգործնախարարների հանդիպումը Թիֆլիսում, ինչի համար շնորհավորում եմ իրենց: Ադրբեջանի արտգործնախարար, իմ եղբայր Ջեյհունի հետ հեռախոսազրույցի ընթացքում էլ նա գոհունակություն հայտնեց այս այցերից ու հանդիպումներից»:

Չավուշօղլուն նշել է նաև, որ 3+3 ձևաչափը դեռևս չի կայանում, քանի որ բացակայում է Վրաստանը։ Բայցևայնպես ընդհանուր ջանքեր կան և բոլորի նպատակը, ընդհանուր նպատակակետը Հարավային Կովկասում մնայուն խաղաղության և կայունության հաստատումն է:

Աղբյուր`Ermenihaber.am