Քաղաքացիակենտրոն
լրատվություն

Սիրիայում երկրաշարժի զոհերի թիվը հասել է 237-ի, տուժել է առնվազն 639 մարդ

Սիրիայում երկրաշարժի զոհերի թիվը հասել է 237-ի, տուժել է առնվազն 639 մարդ
Տարածաշրջան
11:28, 06 февраль 2023
Սիրիայում երկրաշարժի զոհերի թիվը հասել է 237-ի: 

Այս մասին երկուշաբթի հայտնել է սիրիական Al Ekhbariya հեռուստաալիքը՝ հղում անելով հանրապետության առողջապահության նախարարության ներկայացուցչին։

Նրա խոսքով՝ տուժել է առնվազն 639 մարդ։ Նշվում է, որ զոհերի և տուժածների մեծ մասը արձանագրվել է Լաթաքիա, Հալեպ, Համա և Տարտուս նահանգներում։ 

Ավելի վաղ սիրիական լրատվամիջոցները ներկայացրել էին 111 զոհվածների տվյալները։
 
Դամասկոսի կողմից չվերահսկվող Սիրիայի շրջաններում զոհերի, տուժածների և ավերածությունների մասին տեղեկություններ չեն ստացվել։
 
Ինչպես իր հերթին հայտնել է SANA-ն, հանրապետության պաշտպանության նախարարությունը «երկրի բոլոր նահանգներում մոբիլիզացնում է իր բոլոր ստորաբաժանումները, կազմավորումները և (ստորադաս) կառույցները՝ երկրաշարժից տուժած բնակչությանը անհապաղ օգնություն ցուցաբերելու, փլատակների տակ մնացած մարդկանց որոնելու և ավերածությունների հետևանքները վերացնելու համար»։