5,1 մագնիտուդ ուժգնությամբ երկրաշարժ՝ Իրանում. Զգացվել է նաև Հայաստանում

Տարածաշրջան

17:09, 16 март 2023

Այսօր Իրանի հյուսիս-արևմուտքում գրանցվել է 5,1 մագնիտուդ ուժգնությամբ երկրաշարժ։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։

Էպիկենտրոնը գտնվել է Խոյ քաղաքից 27 կմ հարավ-արևելք, որտեղ ապրում է 175 հազար մարդ։ Օջախը գտնվել է 61 կմ խորության վրա։ Զոհերի և ավերածությունների մասին տեղեկություններ չկան։

Ցնցումները զգացվել են նաև Հայաստանում: Ինչպես հայտնել է ՀՀ ԱԻՆ-ը, ցնցումների ուժգնությունը կազմել է 2-3 բալ: