Քաղաքացիակենտրոն
լրատվություն

Ռուսաստանի դեմ տնտեսական պատերազմ է սանձազերծվել․ Միշուստին

Ռուսաստանի դեմ տնտեսական պատերազմ է սանձազերծվել․ Միշուստին
Ռուսաստան
14:03, 07 апрель 2022
Ռուսաստանի դեմ տնտեսական պատերազմ է սանձազերծվել, հայտարարել է երկրի վարչապետ Միխայիլ Միշուստինը՝ այսօր Պետդումայում ներկայացնելով կառավարության հաշվետվությունը։

«Ռուսաստանի դեմ ամենաիսկական տնտեսական պատերազմ է սանձազերծվել։ Եվ ձեզ հետ մեր կառուցողական փոխգործողությունից է կախված, թե որքան արագ մենք կարող ենք ադապտացնել տնտեսությունը նոր իրողություններին ու վերադարձնել այն առաջընթաց զարգացման», - ՏԱՍՍ լրատվական գործակալության փոխանցմամբ՝ ասել է Միշուստինը Ռուսաստանի խորհրդարանում։

Փետրվարի 24-ին Ռուսաստանը պատերազմ է սկսել Ուկրաինայի տարածքում, որը պաշտոնական Կրեմլն անվանում է «հատուկ գործողություն»։ Ի պատասխան՝ արևմտյան և շատ այլ երկրներ աննախադեպ կոշտ պատժամիջոցներ են սահմանում Ռուսաստանի դեմ։

Աղբյուր՝ azatutyun.am