«Ռուսաստանը վերադարձել է «հացահատիկային գործարքին»՝ որպես գործընկերոջ վստահելով Թուրքիային». Պեսկով
Ռուսաստան
«Հացահատիկային գործարքին» Թուրքիայի մասնակցությունը ռուսական կողմի համար վստահության գլխավոր գործոնն է, այդ թվում՝ Կիևի կողմից իր վերջին պարտավորությունների կատարման հարցերում, հայտարարել է Կրեմլը։
«Տվյալ դեպքում երաշխիքները եղել են թուրքական կողմում, հասկանալի պատճառներով դրանք ուղղակիորեն մեզ չեն կարող տրամադրվել: Եվ այս դեպքում Մոսկվան և Անկարան հանդես են գալիս որպես կողմեր, որոնց տրվել են այդ երաշխիքները»,- ասել է ՌԴ նախագահի մամուլի քարտուղար Դմիտրի Պեսկովը լրագրողներին՝ պատասխանելով այն հարցին, թե ինչու Ռուսաստանը համաձայնեց վերականգնել գործարքը Կիևի երաշխիքներով՝ հաշվի առնելով Մինսկի պայմանավորվածությունները չկատարելու գոյություն ունեցող փորձը։
Նա ընդգծել է, որ շեշտադրվում է գործարքի կարևորությունը, ինչպես նաև այն աշխատանքը, որն իրականացվել է թուրք զինվորական դիվանագետների և անձամբ Թուրքիայի նախագահ Ռեջեփ Թայիփ Էրդողանի կողմից։ «Եվ դա նույնպես՝ Թուրքիայի մասնակցությունը դրան, հավանաբար վստահության գլխավոր գործոնն է»,- ասել է Պեսկովը։
Շաբաթ օրը ՌԴ ԱԳՆ-ն հայտարարել էր, որ Մոսկվան, հաշվի առնելով Սևաստոպոլում ուկրաինական անօդաչուների հարձակումը Սևծովյան նավատորմի նավերի վրա, անորոշ ժամկետով կասեցնում է ուկրաինական գյուղատնտեսական արտադրանքի արտահանման «Սևծովյան նախաձեռնության» իրականացումը։
Նոյեմբերի 2-ին Ռուսաստանը վերականգնել է համաձայնագրի կատարումը։ ՌԴ ՊՆ-ն հայտնել է, որ ՄԱԿ-ի և Թուրքիայի մասնակցության շնորհիվ Ուկրաինայից ստացվել են գրավոր երաշխիքներ, որ «հացահատիկային միջանցքը» Կիևը չի օգտագործի Ռուսաստանի դեմ ռազմական գործողություններ իրականացնելու համար։
«Տվյալ դեպքում երաշխիքները եղել են թուրքական կողմում, հասկանալի պատճառներով դրանք ուղղակիորեն մեզ չեն կարող տրամադրվել: Եվ այս դեպքում Մոսկվան և Անկարան հանդես են գալիս որպես կողմեր, որոնց տրվել են այդ երաշխիքները»,- ասել է ՌԴ նախագահի մամուլի քարտուղար Դմիտրի Պեսկովը լրագրողներին՝ պատասխանելով այն հարցին, թե ինչու Ռուսաստանը համաձայնեց վերականգնել գործարքը Կիևի երաշխիքներով՝ հաշվի առնելով Մինսկի պայմանավորվածությունները չկատարելու գոյություն ունեցող փորձը։
Նա ընդգծել է, որ շեշտադրվում է գործարքի կարևորությունը, ինչպես նաև այն աշխատանքը, որն իրականացվել է թուրք զինվորական դիվանագետների և անձամբ Թուրքիայի նախագահ Ռեջեփ Թայիփ Էրդողանի կողմից։ «Եվ դա նույնպես՝ Թուրքիայի մասնակցությունը դրան, հավանաբար վստահության գլխավոր գործոնն է»,- ասել է Պեսկովը։
Շաբաթ օրը ՌԴ ԱԳՆ-ն հայտարարել էր, որ Մոսկվան, հաշվի առնելով Սևաստոպոլում ուկրաինական անօդաչուների հարձակումը Սևծովյան նավատորմի նավերի վրա, անորոշ ժամկետով կասեցնում է ուկրաինական գյուղատնտեսական արտադրանքի արտահանման «Սևծովյան նախաձեռնության» իրականացումը։
Նոյեմբերի 2-ին Ռուսաստանը վերականգնել է համաձայնագրի կատարումը։ ՌԴ ՊՆ-ն հայտնել է, որ ՄԱԿ-ի և Թուրքիայի մասնակցության շնորհիվ Ուկրաինայից ստացվել են գրավոր երաշխիքներ, որ «հացահատիկային միջանցքը» Կիևը չի օգտագործի Ռուսաստանի դեմ ռազմական գործողություններ իրականացնելու համար։