«Ռուսաստանի, ռուսական խաղաղապահ կոնտինգենտի հասցեին քննադատությունը անընդունելի է». Զախարովա

Ռուսական խաղաղապահ կոնտինգենտի հասցեին քննադատությունը Լաչինի ճանապարհին ստեղծված իրավիճակի համատեքստում անընդունելի է, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ինչ վերաբերում է Ռուսաստանի, ռուսական խաղաղապահ կոնտինգենտի հասցեին քննադատությանը, այս իրավիճակում ես կարծում եմ, որ դա անընդունելի է»,- ասաց նա։ 

«Մենք բազմիցս ասել ենք, որ ռուս խաղաղապահներն անում են ամեն հնարավորը իրավիճակը «տեղում» կարգավորելու համար։

Հրապարակային ոչ մի հարձակում գործին չի օգնի: Որևէ մեկը կարո՞ղ է ամենայն պատասխանատվությամբ ասել, որ առանց խաղաղապահների ավելի լավ կլիներ։ Պատասխանն ակնհայտ է: Աշխատում ենք, որպեսզի այս իրավիճակը բարելավվի»,- ասել է Զախարովան։