Քաղաքացիակենտրոն
լրատվություն

Գիշերը ևս երեք անօդաչու թռչող սարք է արձակվել դեպի Մոսկվա

Գիշերը ևս երեք անօդաչու թռչող սարք է արձակվել դեպի Մոսկվա
Ռուսաստան
11:24, 23 август 2023
Մոսկվայի բիզնես թաղամասի անավարտ երկնաքերին անօդաչու թռչող սարք է հարվածել:

Ռուսաստանի պաշտպանության նախարարությունը հայտարարել է, որ այդ գիշեր երեք անօդաչու թռչող սարք է արձակվել դեպի Մոսկվա։ Երկուսը խոցվել են մայրաքաղաքի մերձակայքում, երրորդը, ըստ նախարարության, «ճնշվել է» և կորցրել կառավարումը, սակայն կրկին հասել է Մոսկվա Սիթիի տարածք։ Սա արդեն չորրորդ դեպքն է, երբ անօդաչուները հարվածում են Մոսկվայի կենտրոնում գտնվող երկնաքերների տարածքին։

«Դեպքի վայր են մեկնել օպերատիվ ծառայությունները», - գրել է Մոսկվայի քաղաքապետ Սերգեյ Սոբյանինը Telegram-ի իր ալիքում։

Ըստ նախնական տեղեկությունների՝ զոհեր և վիրավորներ չկան, նշել է քաղաքապետը։

Աղբյուր՝ azatutyun.am