Հակակոռուպցիոն դատարանը նախկին նախագահ Ռոբերտ Քոչարյանին և նրան փոխկապակցված անձանց պատկանող ապօրինի գույքի բռնագանձման գործով նախնական դատական նիստ է նշանակել եկող շաբաթ
Իրավունք
ՀՀ Հակակոռուպցիոն դատարանը նախկին նախագահ Ռոբերտ Քոչարյանի և նրան փոխկապակցված անձանց (մասնավորապես կնոջը, որդիներին, դստերը, հարսներին, փեսային) պատկանող ապօրինի ծագում ունեցող գույքի բռնագանձման գործով նախնական դատական նիստ է նշանակել 2023 թվականի նոյեմբերի 28-ին, ժամը 15։30-ին։ Նիստը հրավիրվել է Հակակոռուպցիոն դատարանի Երևանի նստավայրում։
Civic.am-ը դատական տեղեկատվական համակարգից տեղեկացավ, որ ՀՀ գլխավոր դատախազությունը Հակակոռուպցիոն դատարան է ներկայացրել ապօրինի ծագում ունեցող գույքի բռնագանձման պահանջի վերաբերյալ հայցադիմում, որը դատարանում մուտքագրվել է 2023 թվականի հոկտեմբերի 11-ին և մակագրվել է դատավոր Ն. Ավագյանին։ 2023 թվականի հոկտեմբերի 11-ին Հակակոռուպցիոն դատարանի գրասենյակի կողմից կազմվել է ակտ այն մասին, որ սույն գործով հայցադիմումին կից «1» փաթեթը բացակայում է։
ՀՀ գլխավոր դատախազության կողմից 2023 թվականի հոկտեմբերի 20-ին Հակակոռուպցիոն դատարան են ներկայացվել հայցադիմումի շտկված տարբերակը և կից փաստաթղթերը՝ «1» փաթեթով։
Դատարանը հոկտեմբերի 23-ին հայցադիմումը վարույթ ընդունելու մասին որոշում է կայացրել, որը Քաղաքացիական դատավարության օրենսգրքով սահմանված կարգով ուղարկվել է գործին մասնակցող անձանց։
Նշենք, որ Դատախազության կողմից նախնական ուսումնասիրության արդյունքում ապօրինի է դիտարկվել և ապահովման միջոցներ են կիրառվել 20 անշարժ գույքի նկատմամբ։ Դատախազության տեղեկացմամբ (հուլիսի տվյալներով)՝ կալանքի տակ դրված 20 անշարժ գույքի թվում են՝ Տերյան, Աբովյան, Պարոնյան փողոցներում, Հյուսիսային պողոտայում գտնվող շենքերի բնակարաններ, ավտոկայանատեղիներ և հասարակական նշանակության տարածքներ: Բռնագանձման է ենթակա նաև Ծաղկաձորում գտնվող հանգստյան տունն ու Իսակովի պողոտայում գտնվող 2 անշարժ գույք։ Արգելանք է դրվել նաև «Տոյոտա Երևանի» 30 տոկոսի, «Օրանժ ֆիթնես»-ի 50 տոկոսի, «Նաիրի Ինշուրանս» ապահովագրական ընկերության 60 տոկոսի, «Կոնգրես» հյուրանոցի և Play city ժամանցի կենտրոնի վրա: 20 գույքի ընդհանուր շուկայական արժեքը պարզելու համար նշանակվել է փորձաքննություն:
Նշենք, որ սույն քաղաքացիական հայցով պատասխանող հանդիսացող Լևոն Քոչարյանը, որը (ըստ ԿԸՀ 2021-ին ներկայացված հայտարարագրի) բաժնեմասեր ունի «Նաիրի ինշուրանս»-ում՝ 60 տոկոս, «Զեմկոմինվեստ»-ում՝ 50 տոկոս, «Սփեյս մենեջմենթ»-ում՝ 33,3 տոկոս, և «Էքզել աութդորս»-ում՝ 0,70 տոկոս բաժնետոմս, նոյեմբերի 14-ին երդվեց և ԱԺ պատգամավոր դարձավ։
Հ. Մ.
Civic.am-ը դատական տեղեկատվական համակարգից տեղեկացավ, որ ՀՀ գլխավոր դատախազությունը Հակակոռուպցիոն դատարան է ներկայացրել ապօրինի ծագում ունեցող գույքի բռնագանձման պահանջի վերաբերյալ հայցադիմում, որը դատարանում մուտքագրվել է 2023 թվականի հոկտեմբերի 11-ին և մակագրվել է դատավոր Ն. Ավագյանին։ 2023 թվականի հոկտեմբերի 11-ին Հակակոռուպցիոն դատարանի գրասենյակի կողմից կազմվել է ակտ այն մասին, որ սույն գործով հայցադիմումին կից «1» փաթեթը բացակայում է։
ՀՀ գլխավոր դատախազության կողմից 2023 թվականի հոկտեմբերի 20-ին Հակակոռուպցիոն դատարան են ներկայացվել հայցադիմումի շտկված տարբերակը և կից փաստաթղթերը՝ «1» փաթեթով։
Դատարանը հոկտեմբերի 23-ին հայցադիմումը վարույթ ընդունելու մասին որոշում է կայացրել, որը Քաղաքացիական դատավարության օրենսգրքով սահմանված կարգով ուղարկվել է գործին մասնակցող անձանց։
Նշենք, որ Դատախազության կողմից նախնական ուսումնասիրության արդյունքում ապօրինի է դիտարկվել և ապահովման միջոցներ են կիրառվել 20 անշարժ գույքի նկատմամբ։ Դատախազության տեղեկացմամբ (հուլիսի տվյալներով)՝ կալանքի տակ դրված 20 անշարժ գույքի թվում են՝ Տերյան, Աբովյան, Պարոնյան փողոցներում, Հյուսիսային պողոտայում գտնվող շենքերի բնակարաններ, ավտոկայանատեղիներ և հասարակական նշանակության տարածքներ: Բռնագանձման է ենթակա նաև Ծաղկաձորում գտնվող հանգստյան տունն ու Իսակովի պողոտայում գտնվող 2 անշարժ գույք։ Արգելանք է դրվել նաև «Տոյոտա Երևանի» 30 տոկոսի, «Օրանժ ֆիթնես»-ի 50 տոկոսի, «Նաիրի Ինշուրանս» ապահովագրական ընկերության 60 տոկոսի, «Կոնգրես» հյուրանոցի և Play city ժամանցի կենտրոնի վրա: 20 գույքի ընդհանուր շուկայական արժեքը պարզելու համար նշանակվել է փորձաքննություն:
Նշենք, որ սույն քաղաքացիական հայցով պատասխանող հանդիսացող Լևոն Քոչարյանը, որը (ըստ ԿԸՀ 2021-ին ներկայացված հայտարարագրի) բաժնեմասեր ունի «Նաիրի ինշուրանս»-ում՝ 60 տոկոս, «Զեմկոմինվեստ»-ում՝ 50 տոկոս, «Սփեյս մենեջմենթ»-ում՝ 33,3 տոկոս, և «Էքզել աութդորս»-ում՝ 0,70 տոկոս բաժնետոմս, նոյեմբերի 14-ին երդվեց և ԱԺ պատգամավոր դարձավ։
Հ. Մ.