Հայաստանը պետք է հասունանա ու հասկանա, որ մենք այն աշխարհում
չենք, որ մեր մանկական երազանքները կարողանանք հետապնդել ու կարող ենք երկիրը իսկապես
տանել դեպի կործանման։ Պետք է հասկանալ, որ իսկապես աշխարհը շատ ցինիկ միջավայր է՝
հատկապես այն աշխարհը, որ 2014 թվականից մենք գտնվում ենք, ու պետք է ուրիշների շահերը
հասկանանք ադեկվատ ձևով և փորձենք տեղավորվել այդ շահերի միջև։
Այս մասին Civic.am-ի եթերում ասաց քաղաքագետ, պատմաբան Սամվել
Մելիքսեթյանը։
«Եթե մենք մտնում ենք մեր հարևանների հետ հակամարտության մեջ
պետք է իմանանք, որ իրենց մոտիվացիան այդ հակամարտության մեջ մեզ վնաս հասցնել միշտ
ավելի մեծ է լինելու, քան արտաքին ցանկացած այլ ուժի մոտիվացիան՝ մեզ օգնելու։ Այսինքն՝
առաջին խնդիրը մեր երկու հարևանների՝ Ադրբեջանի ու Թուրքիայի հետ քաղաքական լեզու գտնելն
է։ Սա հեշտ խնդիր չէ, շատ բարդ և երկարատև խնդիր է, բայց սա Հայաստանի գոյատևության
գլխավոր երաշխիքն է», - ասաց Մելիքսեթյանը։
Ունի՞ արդյոք Հայաստանը հնարավորություն երաշխավորել և ապահովել արցախցիների վերադարձը։ Մելիքսեթյանի վստահությամբ՝
չունի։ «Հայկական քաղաքական մտքի հիմնական թերություններից և դեֆեկտներից մեկը իրականության
դաժան պատկերը չընդունելն ու ֆանտոմների ետևից վազելով ունեցածը կորցնելն է», - ասաց
քաղաքագետը։
Անդրադառնալով սահմանազատմանը՝ վերջինս նկատեց, որ կան հատվածներ,
որ հայկական դիրքերն են ադրբեջանական սահմանների մեջ և կան տարածքներ, որ ադրբեջանական
դիրքերն են առաջ՝ հատկապես Տավուշի հատվածում։ Սահմանազատման ժամանակ կողմերը պետք
է ետ գնան ու վերադառնան պետական սահմաններին։
Մանրամասն՝ տեսանյութում
Վոլոդյա Հակոբյան
