«Շատ ճիշտ գրառում է արել վարչապետը»։ Civic.am-ի հետ զրույցում նշեց Չեխիայում բնակվող քաղաքական վելուծաբան, քաղաքագետ Բագրատ Առաքելյանը՝ անդրադառնալով նախօրեին վարչապետ Փաշինյանի գրառմանը, որում մասնավորապես ասվում էր․ «Ճի՞շտ է ճանապարհը, թե սխալ՝ կախված է նրանից, թե ուր ես գնում»։

«Կախված է նրանից՝ ուր ես գնում։ Եվ մենք, իմ կարծիքով՝ մի քիչ սթափ չենք գիտակցում, թե ուր ենք մենք գնում և ուր է մեզ պետք գնալ։ Եթե խոսքը գնում է նրա մասին, որ մենք պետք է գնանք դեպի Արևելք, ապա դա սխալ ուղի է Հայաստանի համար, եթե մենք պետք է գնանք դեպի անդամակցություն Շանհայան կազմակերպության մեջ կամ Արևելքի ուրիշ երկրների ինչ-որ կազմավորման մեջ, ապա, դա սխալ ուղի է։ Մեր միակ ճիշտ ուղին, որի մասին վարչապետը խոսել է, նշել է, ավելին ասեմ՝ ԱԺ-ն օրենք է ընդունել, դա Արևմուտքն է, ԵՄ-ն է»,- ասաց Բագրատ Առաքելյանը։

Մեր զրուցակիցը նշեց, որ, եթե խոսքը գնում է վարչապետի՝ Շանհայի համագործակցության կազմակերպության գագաթնաժողովին մասնակցելու մասին, ապա ինքը դա վատ չի դիտարկում, և ուրախ է, որ Պակիստանը վետո դրեց մեր անդամակցության վրա և միգուցե մենք այդ կազմակերպության մեջ ինչ-որ հատուկ կարգավիճակ կստանանք և կկարողանանք օգտագործել այդ հարթակը։

«Եթե մեր երկիրն իրեն ներկայացնում է ժողովրդավար պետություն և ուզում է այդ ժողովրդավարությունը զարգացնել, ապա մեր ուղին ուրիշ է։ Տնտեսապես մենք կարող ենք իրենց հետ համագործակցել, բայց ինչ վերաբերում է քաղաքական ուղուն, մեր ուղին ԵՄ-ն պետք է լինի և ուրիշ այլընտրանք մենք պարզապես չունենք։ Քանի որ այն խնդիրները, որոնք որ մեր առջև կանգնած են, լուծվելու են միայն Եվրոպական միության անդամակցության կարգավիճակով»,- ասաց Բագրատ Առաքելյանը։

Մանրամասները՝ տեսանյութում

Լիլիթ Թադևոսյան