Արևելագետ, տարածաշրջանային հարցերով փորձագետ Արմեն Պետրոսյանի
կարծիքով Հայաստանի և Չինաստանի, Հայաստանի և ԱՄՆ-ի ռազմավարական համագործակցությունները
չեն հակասում իրար։ Աշխարհում բազմաթիվ երկրներ այս սկզբունքով են առաջնորդվում՝ առաջ
տանելով սեփական շահերը։ ՀՀ շահը պահանջում է, որ համագործակցությունները հնարավորինս
բազմակողմ և բազմաշերտ լինեն։
«Կարծում եմ՝ ինչքան մեծ լինի մրցակցությունը մեր տարածաշրջանում,
այդքան արդյունքները դրական կլինեն ամբողջ տարածաշրջանի ու Հայաստանի համար», - ասաց
Պետրոսյանը։
Նա նկատեց, որ ո՛չ Ռուսաստանը, ո՛չ Իրանը բավարար ռեսուրսներ
չեն ունեցել ներգրավվելու Հայաստանով անցնող հյուսիս-հարավ և արևելք-արևմուտք ճանապարհային
միջանցնքերի գործընթացներում։
Քաղաքական մակարդակով, հռետորաբանությամբ, Պետրոսյանի դիտարկմամբ
թե՛ Ռուսաստանը, թե՛ Իրանը շատ ճիշտ են գործում, բայց գործնական քայլերի նաև մենք պետք
է իրենց դրդենք, որպեսզի կապուղիները ստեղծվեն ու հնարավորինս շուտ մեր տնտեսական գործընկերոջ
ու կարևոր հարևանի հետ կապը ավելի արդյունավետ լինի։
«Իրանը այսօրվանից պետք է ակտիվ ջանքեր գործադրի։ Նույնը՝ Ռուսաստանի
Դաշնության պարագայում։ Երեք կողմերն էլ՝ Ռուսաստանը, Հայաստանը, Ադրբեջանը պետք է
ակտիվ լինեն ու ունենան շահույթներ», - ասաց Պետրոսյանը։
Մանրամասն՝ տեսանյութում
Վոլոդյա Հակոբյան
