ՆԳՆ ոստիկանությունը տեղեկացնում է, որ հանրապետությունում սեպտեմբերի 8-9-ը բացահայտվել է 140 հանցագործություն, որոնցից 10-ը՝ նախկինում կատարված:

Մասնավորապես, բացահայտվել է՝

• 38 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
• 11-ական դեպք՝ մարմնական վնասվածք պատճառելու, թմրանյութի հայտնաբերման,
• 7 դեպք՝ հոգեկան ներգործության,
• 6 դեպք՝ ֆիզիկական ներգործության,
• 5 դեպք՝ փաստաթղթի կեղծիքի,
• 4-ական դեպք՝ գույքը ոչնչացնելու կամ վնասելու, զենք-զինամթերքի առգրավման,
• 3-ական դեպք՝ անձնական ունեցվածքի գողության, խարդախության, ապօրինի ձեռնարկատիրական գործունեության,
• 2 -ական դեպք՝ շորթման, խուլիգանության, ինքնիրավչության, փաստաթղթեր կեղծելու, բնակարանի անձեռնմխելիությունը խախտելու։

Բացահայտվել են նաև մարդու առևանգման, ավազակության, ավտոմեքենայի գողության, համակարգչային հափշտակության, կենդանիների նկատմամբ դաժան վերաբերմունքի, թմրանյութի իրացման, հարկերը, տուրքերը կամ այլ վճարներ չվճարելու, թմրամիջոցի մաքսանենգության, անվտանգության պահանջներին չհամապատասխանող հումքերի կամ ապրանքների շրջանառության, աշխատանքների կատարման կամ ծառայությունների մատուցման, հետամտելու և այլ դեպքեր։

Նախկինում կատարված հանցագործություններից բացահայտվել է՝

• 3-ական դեպք՝ խարդախության, անձնական ունեցվածքի գողության,
• 1-ական դեպք՝ սպանության փորձի, բնակարանային գողության, մարմնական վնասվածք պատճառելու, շորթման։

Հայտնաբերվել է 3 հետախուզվող, կամավոր ներկայացել՝ 3-ը։

Հայտնաբերվել է 1 անհետ կորած։

Գրանցվել է զենք-զինամթերք կամավոր հանձնելու 12 դեպք։

Անցած 1 օրում գրանցվել է 19 ավտովթար․ 38 մարդ ստացել է տարբեր աստիճանի մարմնական վնասվածքներ։