Սեպտեմբերի 26-ին Նյու Յորքում՝ ՄԱԿ գլխավոր ասամբլեայի 80-րդ նստաշրջանի շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է ՄԱԿ Գլխավոր քարտուղարի երիտասարդության հարցերով փոխտեղակալ Ֆելիպե Պաուլիերի հետ։

Նախարարության մամուլի ծառայությունից հայտնում են, որ զրուցակիցները բարձր են գնահատել Հայաստանի և ՄԱԿ երիտասարդության հարցերով գրասենյակի հետ համագործակցությունը՝ պատրաստակամություն հայտնելով համատեղ ջանքերով խթանել երիտասարդների հավասար և լիարժեք ներգրավվածությունը հանրային կյանքի բոլոր, այդ թվում՝ խաղաղության հաստատման ոլորտներում։

Անդրադառնալով 2026թ. Երևանում կայանալիք Կենսաբանական բազմազանության մասին ՄԱԿ-ի կոնվենցիայի կողմերի 17-րդ համաժողովին (COP17)՝ ՀՀ ԱԳ նախարարի տեղակալն ընդգծել է ՄԱԿ երիտասարդության հարցերով գրասենյակի հետ համագործակցության կարևորությունը՝ ուղղված կենսաբազմազանությանն առնչվող հարցերում երիտասարդների ձայնն ավելի լսելի դարձնելուն։