Հոկտեմբերի 2-ին ԱՄՆ-ում ՀՀ դեսպան Նարեկ Մկրտչյանը դեսպանությունում ընդունել է Democracy International կազմակերպության ներկայացուցիչներին։ Այս մասին տեղեկացնում են ԱՄՆ-ում ՀՀ դեսպանությունից:

Հանդիպմանը կողմերը քննարկել են Democracy International կազմակերպության կողմից Հայաստանում արդեն իրականացված ծրագրերը և անդրադարձել ապագա համագործակցության հնարավորություններին։

Ամերիկյան հասարակությանը ՀՀ ժողովրդավարական ձեռքբերումներին ծանոթացնելու նպատակով ձեռք է բերվել պայմանավորվածություն՝ Democracy Journeys զբոսաշրջային, կրթամշակութային բնույթի համատեղ նախաձեռնության իրականացման վերաբերյալ։

Քննարկվել են նաև այլ հնարավոր համատեղ նախագծեր՝ միտված երկկողմ համագործակցության ընդլայնմանը։