Ազգային Ժողովի «Քաղաքացիական պայմանագիր» խմբակցության պատգամավոր, Պաշտպանության
և անվտանգության հարցերի մշտական հանձնաժողովի նախագահ Անդրանիկ Քոչարյանը նշեց, որ
44 օրյա պատերազմի հանգամանքները քննող հանձնաժողովի զեկույցը ունի քաղաքական մեծ նշանակություն, սակայն
իրավական մեկնաբանումների պատճառով այն չներկայացվեց լիագումար նիստում և ուղարկվեց
ԱԺ առաջին բաժին, որի հետ Քոչարյանը համաձայն չէ։
Նա նաև նշեց, որ ուսումնասիրելով մեր և Ադրբեջանի բանակների միջև եղած տարբերությունը՝
նվազագույն էր չպարտվելու հնարավորությունը։
Անդրանիկ Քոչարյանն անդրադարձավ նաև ՄԻԵԴ որոշմանը՝ կապված Մարտի 1-ի հետ։ Նշեց․
«Ռոբերտ Քոչարյանի որոշումների արդյունքում մարդիկ են զոհվել։ Ինքը հակասահմանադրական
որոշում է կայացրել։ Ինքը բանակ է ներառել, երբ կարող էր դա անել միայն ռազմական դրության
դեպքում, ինչը չի եղել։ Բանակը ներառելու փաստն էլ արձանագրվել է փաստահավաք խմբի կողմից։
0038 հրամանը, եթե չհայտնվեր մեր ձեռքում այդպես էլ կասեին, թե բանակը չի ներգրավվել։
Կարծում եմ գլխավոր դատախազը ՄԻԵԴ որոշումից հետո մեղադրանքը պետք է նորից վրայով անցնի,
նոր մեղադրանք ներկայացնի»։
Մարտի 1-ի մեղավորն, ըստ Անդրանիկ Քոչարյանի, Ռոբերտ Քոչարյանն ու նրա վարչակարգն
են։ Մեղադրանքը պետք է դատախազության կողմից նոր ձևակերպում ստանա, լրացվի։ Պատգամավորը
վստահ է՝ առանց նախագահի մասնակցության Մարտի 1-ը այդ ծավալով և ձևով տեղի չէր ունենա։
Մանրամասն՝ տեսանյութում
Վոլոդյա Հակոբյան
