Եգիպտոսի Ներկայացուցիչների պալատը նոյեմբերի 2-ի նիստում ընդունել է կառավարության ներկայացրած օրենսդրական նախագծում փոփոխություններ, որոնք կտրուկ բարձրացնում են մուտքի վիզաների արժեքը։ Այս մասին հաղորդում է Egypt Today-ը։

Օրենսդրական նախագիծը վերաբերում է Արտաքին գործերի նախարարության կողմից թե՛ Եգիպտոսից դուրս, թե՛ երկրի ներսում մատուցվող ծառայությունների համար վճարների գանձմանը։

Պատգամավորների կողմից հաստատված հոդվածն նախատեսում է գանձել ոչ ավելի, քան 20 դոլար կամ այդ գումարի համարժեքը արտարժույթով արտերկրում՝ եգիպտական իշխանությունների կողմից մուտքի կետերում տրվող յուրաքանչյուր մուտքի կամ տրանզիտային վիզայի համար։ Նույնը վերաբերում է ցանկացած վիզայի կամ հյուպատոսական գործողության, որ քաղաքացիները ստանում կամ իրականացնում են արտերկրում գտնվող Եգիպտոսի դեսպանատներում և հյուպատոսություններում։

Այսպիսով, Եգիպտոս մուտքի վիզան, որի արժեքը ներկայումս կազմում է 25 դոլար, կարող է թանկանալ գրեթե կրկնակի՝ մինչև 45 դոլար

Հիշեցնենք, որ վերջին անգամ Եգիպտոսը վիզաների արժեքները բարձրացրել էր 2014 թվականի մայիսին։ Այն ժամանակ մինչև 30 օրով մեկանգամյա թույլտվության փաստաթղթերի արժեքը 15 դոլարից դարձել էր 25 դոլար։ Բազմակի վիզայի գինը 2017-ին բարձրացրել են 35 դոլարից մինչև 60 դոլար։ Երկրում գոյություն ունի նաև հինգ տարով բազմակի վիզա 700 դոլար արժողությամբ։