Վաղարշապատի
14/37 տեղամասի գրանցամատյանում մի քանի խախտումների արձանագրություններ կան եւ մեկն
էլ պահանջում է ավելացնել ՔՊ կուսակցության վստահված անձ Նատալի Սինորյանը։
Վերջինս
նկատեց, որ ինքնասոսնձվող դրոշմանիշը, որը փակցվում է քաղաքացու ընտրած քվեաթերթիկի՝
որպես վավերության նշան, եւ որը գումար արժե, կպել է սեղանին, ինչի մասին հարկավոր
է նշում անել գրանցամատյանում։
Նախագահը
դրոշմանիշերը փակցնող հանձնաժողովականին զգուշացրեց ավելի ուշադիր լինել եւ ասաց, որ
դեպքը կարձանագրվի։
Ինչ վերաբերում
է մյուս խախտումներին՝ գրանցամատյանում տեսնում ենք, որ մի դեպքում «Համահայկական ճակատի»
վստահված անձն առանց գրանցվելու տեւական ժամանակ եղել է տեղամասում, մեկ այլ դեպքում
անձը քվեարկելուց հետո մոտեցել է ուղեկցորդի դերում, եւ եւս մի դեպք, երբ քվեարկել
է տեսողության խնդիր ունեցող տարեց կինը, նրա քվեաթերթիկը մարվել է, եւ նա նորից է
քվեարկել։
