Արդարադատության նախարարությունը, մշտապես կարևորելով հասարակական կարծիքը և քաղաքացիական հասարակության դերակատարումը Արդարադատության նախարարության ոլորտային բարեփոխումների գործընթացներում, հայտարարում է նախարարին կից հասարակական խորհրդի ձևավորման մրցույթ: Այս մասին տեղեկացնում են ՀՀ արդարադատության նախարարությունից:
«Խորհրդի նպատակն է ապահովել Արդարադատության նախարարության խնդիրների և նպատակների իրականացման ընթացքում քաղաքացիական հասարակության մասնակցությունը, ներառական որոշումներ կայացնելուն նպաստող կենսունակ միջավայրի ձևավորումը, մասնակցային կառավարումը խրախուսելու և շահառու խմբերին քաղաքականության մշակմանը մասնակցելու գործընթացին ներգրավումը:
Խորհրդի անդամները հայտերը կարող են ներկայացնել info@moj.am էլեկտրոնային հասցեին՝ գլխագրում նշելով «Հասարակական խորհուրդ»:
Հայտերի ընդունման վերջնաժամկետը սույն թվականի դեկտեմբերի 10-ն է:
Հայտեր ներկայացնող քաղաքացիական հասարակության կազմակերպությանը և ֆիզիկական անձին ներկայացվող պահանջներին և հայտին կից ներկայացվող փաստաթղթերի ցանկին կարող եք ծանոթանալ հղմամբ:
Լրացուցիչ տեղեկությունների համար զանգահարեք 010 594197 հեռախոսահամարով, պատասխանատու՝ Արդարադատության նախարարի խորհրդական Վազգեն Մուրադյան»,- ասված է հաղորդագրությունում:
