ՀՀ ՔՏՀԱ տեսչական մարմինը դադարեցրել է գազաբենզալցակայանների գործունեություն Լոռու և Կոտայքի մարզերում։

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի հանձնարարագրերի հիման վրա Տեսչական մարմնի մարզային մասնագետների կողմից իրականացվել են հրդեհատեխնիկական հետազոտություններ Լոռու մարզի Վանաձոր քաղաքի Կ. Դեմիրճյան փողոցի թիվ 1բ հասցեում շահագործվող բենզալցակայանում, հեղուկացված ածխաջրածնային գազով լցակայանում, ինչպես նաև Կոտայքի մարզի Պռոշյան գյուղի 5-րդ փողոցի 8-րդ նրբանցքի թիվ 7 հասցեում «Ե.Դ.Է» ՍՊ ընկերության կողմից շահագործվող բենզալցակայանում և գազալցակայանում։

Հրդեհատեխնիկական հետազոտությունների արդյունքում վերոնշյալ օբյեկտներում արձանագրվել են հրդեհային անվտանգության նորմատիվ պահանջների մի շարք խախտումներ, որոնք անմիջական և ուղղակի սպառնալիք են ստեղծում հրդեհների առաջացման, ինչպես նաև քաղաքացիների կյանքի և առողջության անվտանգության համար։

Արդյունքում, ելնելով հայտնաբերված խախտումների բնույթից, Տեսչական մարմնի ղեկավարի կողմից կայացվել են որոշումներ՝ ամբողջովին դադարեցնել նշված լցակայանների շահագործումը մինչև հայտնաբերված խախտումների վերացումը։

Նշենք, որ Տեսչական մարմնի Լոռու և Կոտայքի տարածքային ստորաբաժանումների, ինչպես նաև Հարկադիր կատարումն ապահովող ծառայության մարզային ստորաբաժանումների մասնագետների համատեղ աշխատանքի արդյունքում լցակայանները կապարակնքվել են մինչև արձանագրված խախտումների և թերությունների ամբողջական վերացումը։