ԱԺ
«Քաղաքացիական պայմանագիր» խմբակցության պատգամավոր Արուսյակ Մանավազյանի հետ զրուցել
ենք ամեն կիրակի վարչապետի մասնակցությամբ պատարագների, Կտրիճ Ներսիսյանի՝ վեհարանից
հեռանալու և ներքաղաքական իրավիճակի մասին։
Նրա
խոսքով՝ իրենք յուրաքանչյուր կիրակի ներկա են լինում պատարագի, և հետո ականատես ենք
լինում գործողությունների, որը հանգեցնում է նրան, որ կարգալույծ եղած անձը որոշում
է կարգալույծ անել այդ օրը պատարագ մատուցած քահանաների կամ եպիսկոպոսների։
«Կտրիճ
Ներսիսյանի առաքելությունը եկեղեցում ժողովրդի հոգևոր առաջնորդությունն է, և ինքը պետք
է բերի խաղաղություն, հանդես գա բարություն սերմանելու առաքելությամբ, այնինչ մենք
ականատես ենք լինում մի իրավիճակի, որ նա պառակտման, բաժանման գործողությունների է
տանում՝ հնարավորինս սրելով, նաև մտնելով քաղաքական դաշտ։ Այս պահին նա զբաղված է ընդդիմադիր
քաղաքական հայացքներով գործունեությամբ»,- ասաց պատգամավորը։
Մանավազյանը
նաև ասաց, որ հիմա Կտրիճ Ներսիսյանը թող կողմնորոշվի,
ինքը զբաղվում է եկեղեցականներով և ժողովրդի հոտով, բայց ինքը չի կարող զբաղվել, որովհետև
որերորդ ամիսն է՝ մենք իրեն մի հարց ենք ուղղել, թող ասի՝ արդյոք խախտե՞լ է կուսակրոնության
ուխտը, և այդ պատասխանը հստակ պետք է հնչի, բայց դրա փոխարեն իր ուղերձները կոնկրետ
ընդդիմադիր հայացքներով են, և կոնկրետ որևէ պատասխան չի հնչում։
Մանրամասն՝
տեսանյութում
Լիլիթ
Թադևոսյան
