Եվրոպական միության դիվանագիտության ղեկավար Կայա Կալլասը հայտարարել է, որ խաղաղության արագ կնքումը չի բխում Ուկրաինայի շահերից։
«Ես կարծում եմ, որ հիմա մենք պետք է հասկանանք. այս շատ արագ ճանապարհը ձեռնտու չէ Ուկրաինային։ Մենք իսկապես պետք է կենտրոնանանք Ռուսաստանի կողմից զիջումների վրա, որոնք, անկասկած, ժամանակ են պահանջում»,- ասել է նա։
Կայա Կալլասը նաև դժգոհություն է առաջացրել մի շարք եվրոպացի քաղաքական գործիչների մոտ՝ կապված սառեցված ռուսական ակտիվների օգտագործման հարցում Բելգիայի դիրքորոշման վերաբերյալ իր արտահայտությունների հետ։
Քննարկումների ընթացքում նա աջակցել է Ուկրաինային ռուսական միջոցների գրավի դիմաց վարկեր տրամադրելու գաղափարին, ինչին Բրյուսելը նախկինում առարկել էր։
Աղբյուրները նշում են, որ Կալլասը կտրուկ ձևով հարցրել է, թե «ինչո՞վ է այդպես անհանգստացած Բելգիան» և ինչպես Ռուսաստանը կարող է բողոքարկել նման որոշումները։
