ՔԺԿ նախագահ, քաղաքագետ Լևոն Շիրինյանի կարծիքով՝ տարիներ շարունակ գործել է ռուսական ագենտուրա՝ հայ պաշտոնյաների ուսադիրի տակ: «Հարցը պարզ է, բայց երբ ուզում են կաթողիկոսի նման կույս խաղալ, ամեն ինչ խճճվում է։ Կյանքն ապացուցում է, որ գանձագողը ոչինչ էլ չի ընդունում։ Երբ մարդը գողությամբ է զբաղվել՝ ինչ ասես դրան»,- Civic.am-ի հետ զրույցում ասաց նա։

Շիրինյանի դիտարկմամբ՝ որպես ռուսական ագենտուրայի շերտեր, նախկին ղեկավարները հայրենիք են հանձնել: «Ժողովուրդը թող հերթական անգամ տեսնի՝ ով է իրեն կառավարել, ինչո՞ւ են այդպիսի զավակներ դաստիարակվել, որ կյանք են տվել օտար պետության համար։ Հայության մեջ ռուսների համար դավաճանություն անելը նաև ձրի է»,- ասաց նա՝ անդրադառնալով ղարաբաղյան հակամարտության հրապարակված փաստաթղթերին։

Քաղաքագետը հիշեցնում է՝ Մոսկվայից հայ օլիգարխները ոհմակի նման հարձակվում են հայ ժողովրդի վրա. «Սրանք հիմա մինչև մահուգերեզման պետք է ապացուցեն, որ իրենք չեն, կույս են։ Եղբայր, փաստաթղթեր կան, դու արե՞լ ես դա, թե՞ չէ։ Հիմա պետք է Զորի Բալայանը հարցազրույց տա, Լևոն Տեր-Պետրոսյանը՝ իր միջավայրով»։

Լևոն Շիրինյանի խոսքով՝ նախկինները բանակցել են հող հանձնելու շուրջ: «Մեղրին հանձնեին՝ Հայաստան չէր լինի»,- եզրափակեց նա։

Հարցազրույցն ամբողջությամբ՝ տեսանյութում

Մարիամ Գրիգորյան