Այսօր՝ դեկտեմբերի 9-ի առավոտյան, դատարանի որոշմամբ մահապատժի է ենթարկվել China Huarong International Holding-ի նախկին գլխավոր տնօրեն Բայ Տյանխուեյը։ Նա մեղավոր է ճանաչվել առանձնապես խոշոր չափի՝ ավելի քան 1.108 միլիարդ յուանի (շուրջ 156 միլիոն դոլար) կաշառք ստանալու համար։

Դատարանը վճռել է, որ 2014-2018 թվականներին նա China Huarong-ի կառուցվածքներում օգտագործել է իր ծառայողական դիրքը՝ ստանալու համար 1.108 միլիարդ յուանից ավելի անօրինական պարգևատրում։

2024 թվականի մայիսին Բայ Տյանխուեյը դատապարտվել է մահապատժի՝ առանձնապես խոշոր չափի կաշառք ստանալու համար։ Նա նաև ցմահ զրկվել է քաղաքական իրավունքներից, և նրա ողջ անձնական ունեցվածքը բռնագրավվել է։ 2025 թվականի փետրվարին դատարանը մերժել է բողոքը՝ դատավճիռը թողնելով անփոփոխ։

Դատարանը հաստատել է ստորին ատյանների եզրակացությունն առ այն, որ կաշառքի չափը և հետևանքների ծանրությունը պահանջում են խիստ պատիժ՝ համաձայն օրենքի։