Սոցիալ Դեմոկրատ հնչակյան կուսակցության Հայասատանի շրջանի վարչությունը հանդես է եկել ամանորյա ուղերձով, որում մասնավորապես ասվում է.
«Սիրելի, հայրենակիցներ
ավարտին է մոտենում
2025 թվականը․ թերևս այն շատ ակտիվ տարի էր թե՛ արտաքին, թե՛ ներքաղաքական կյանքում
և մեծ մտորումների առիթ տվեց՝ ինչպիսին պետք է լինի Հայաստանը 2026-ին և դրանից հետո։
Մեզ անհրաժեշտ է ներքին համերաշխություն և հանդարտություն, որպեսզի կարողանանք դիմագրավել նոր մարտահրավերները
և առկա հարցերը հնարավորինս արագ հարթել։ Դեպի ապագան է պետք նայել՝ ստեղծելով ուժեղ
ու դիմադրողունակ պետություն։
Հաշվի առնելով, որ 2026 թվականը լինելու է ընտրական տարի` բոլորը
փորձելու են ձեզ համոզել, որ իրենք են ճիշտը։ Հավատացեք նոր գաղափարներին և ազնիվ քաղաքական
ուժերին, պայքարեք ձեր ձայնի և ձեր ձայնով ձեռք բերվող իրավունքների համար։
ՍԴՀԿ-ն նույնպես անմասն չի մնալու այս գործընթացից։ Եկեք միասին
պայքարենք ոչ թե պառակտված, այլ համերաշխ հասարակություն ունենալու համար։ Ձգտենք քաղաքական
պայքարը բարձրացնել քաղաքակիրթ մակարդակի` մերժելով անձնական վիրավորանքների, պիտակավորումների
և ցեխարձակումների վրա հիմնված առկա քաղաքական մշակույթը:
Ի գո'րծ, սիրելի' հայրենակիցներ, առջևում բախտորոշ ու կարևոր տարի
է և մեր յուրաքանչյուրից է կախված ինքնիշխան, ժողովրդավար և բարգավաճ հայրենիքի ապագան:
