Գերմանիայի կանցլեր Ֆրիդրիխ Մերցը Փարիզում «կամեցողների կոալիցիայի» հանդիպումից հետո հայտարարել է, որ գերմանական զորքերը չեն տեղակայվի Ուկրաինայում նույնիսկ կրակի դադարեցումից հետո։ Այս մասին հայտնում է BILD պարբերականը։
Միևնույն ժամանակ, ըստ պարբերականի տվյալների, նա հնարավոր է համարում այս հարցի շուրջ հետագա ներքաղաքական քննարկումները։ Քաղաքական գործիչը նաև հստակեցրել է, որ Ուկրաինայի անվտանգությանն ուղղված գերմանական աջակցության բնույթն ու ծավալը, ներառյալ քաղաքական, ֆինանսական և ռազմական օգնությունը, կորոշեն կառավարությունը և Բունդեսթագը՝ հրադադարի պայմանների հաստատումից հետո։
«Գերմանիան կշարունակի իր ներդրումն ունենալ՝ քաղաքական, ֆինանսական և նաև ռազմական»,— նշել է Մերցը։
Նշվում է, որ կանցլերը ԱՄՆ հատուկ բանագնաց Սթիվ Ուիթքոֆի հետ միասին ներկա չեն եղել հանդիպման արդյունքներով հրավիրված մամուլի ասուլիսի մեկնարկին, երբ Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Կիր Սթարմերը և Զելենսկին ստորագրում էին համատեղ հռչակագիր՝ հրադադարից հետո Ուկրաինայում միջազգային ուժեր ստեղծելու մտադրության մասին։
Ավելի վաղ Ֆրանսիայի նախագահ Էմանուել Մակրոնը թույլատրելի էր համարել հազարավոր ֆրանսիացի զինվորականների տեղակայումը Ուկրաինայում։
