Եվրոպական միությունում, ԱՄՆ նախագահ Դոնալդ Թրամփի՝ Գրենլանդիայի նկատմամբ հնարավոր վերահսկողություն հաստատելու վերաբերյալ կոշտ հռետորաբանության ֆոնին, կոչ են անում պատրաստ լինել ամերիկյան վարչակազմի ղեկավարի հետ ուղղակի առճակատման։ Այս մասին հայտնել է Politico պարբերականի եվրոպական հրատարակությունը։
«Մենք պետք է պատրաստ լինենք Թրամփի հետ ուղղակի առճակատման։ Նա տրամադրված է ագրեսիվ, և մենք պետք է պատրաստ լինենք»,- պարբերականին հայտնել է ԵՄ անանուն դիվանագետը։
Թերթը նշում է, որ եթե նախկինում եվրոպական կառավարությունները չէին գիտակցում Թրամփի սպառնալիքների լրջությունը, ապա այժմ նրանք հասկանում են դա և «տենդագին կերպով փնտրում են նրան կանգնեցնելու ծրագիր»։
Հիշեցնենք, որ Թրամփը բազմիցս հայտարարել է, որ Գրենլանդիան պետք է միանա ԱՄՆ-ին։ 2025թ. մայիսին NBC News-ին տված հարցազրույցում նա չբացառեց ուժի կիրառումը Գրենլանդիայի հարցը լուծելու համար, 2026թ. հունվարի 6-ին Սպիտակ տունը Reuters գործակալությանը տրամադրված գրավոր հայտարարության մեջ ընդգծել է, որ «ԱՄՆ Զինված ուժերի կիրառումը միշտ հանդիսանում է գործողությունների տարբերակ, որը հասանելի է գլխավոր հրամանատարին»։ 2026թ. հունվարի 7. Սպիտակ տան մամուլի քարտուղար Քերոլայն Լևիթը հստակեցրել է, որ Թրամփն իր ենթակաների հետ ակտիվորեն քննարկում է Գրենլանդիայի գնման հնարավորությունը։
