ՀԷՑ-ի ժամանակավոր կառավարիչ Ռոմանոս Պետրոսյանը դատական հայց է
ներկայացրել ընդդեմ հանրային գործիչ Էդգար Ղազարյանի և «ԱնտիՖեյք» Թի Վի-ի գլխավոր
խմբագիր Աստղիկ Սամվելի Մաթևոսյանի։ Այս մասին Civic.am-ը տեղեկացավ «Դատալեքս» հարթակից։
Պետրոսյանի հայցապահանջն է՝ պարտավորեցնել պատասխանողներին վիրավորելու
և զրպարտելու համար ներողություն խնդրել, նախագծի թողարկման մեջ տեղ գտած տեղեկությունները
հերքել, դրանք հեռացնել, հատուցել զրպարտության և վիրավորանքի հետևանքով կրած ոչ նյութական
վնասը։
Հայցապահանջը դատարանն ստացել է հունվարի 5-ին, մակագրվել է Երևանի
քաղաքացիական դատարանի դատավոր Արշակ Պետրոսյանին։
