Թեհրանում Հնդկաստանի դեսպանատունը իր
քաղաքացիներին կոչ է արել լքել Իրանի տարածքը: Այս մասին ասվում է դեսպանատան
հայտարարության մեջ։
Քաղաքացիներին հրահանգվել է չմիանալ
Իրանում տեղի ունեցող բողոքի ցույցերին և խորհուրդ է տրվել լքել երկիրը բոլոր
հնարավոր միջոցներով, այդ թվում՝ կոմերցիոն չվերթներով։
Նշենք, որ Իրանում արդեն մի քանի օր է՝
անջատված է ինտերնետը։ ԱՄՆ-ում տեղակայված՝ Իրավապաշտպան ակտիվիստների լրատվական
գործակալության (HRANA) տվյալներով՝ բողոքի ակցիաների ընթացքում զոհերի թիվը
կազմում է 2571 մարդ, հազարավոր մարդիկ կալանավորվել են։
