Ֆրանսիայի նախագահ Էմանուել Մակրոնը ելույթ է ունեցել Դավոսում կայացած Համաշխարհային տնտեսական համաժողովում՝ հայտարարելով, որ իրենք չենք կարող ընդունել ուժեղագույնի օրենքը, և դատապարտել է Միացյալ Նահանգների կողմից աճող կատաղի մրցակցությունը։ Այդ մասին տեղեկացնում է Euronews-ը։
«Եվրոպան չպետք է տատանվի իր շահերը պաշտպանելու գործում և կարող է կիրառել իր տրամադրության տակ եղած գործիքները»,- ասել է Ֆրանսիայի նախագահը։
Մակրոնն իր ելույթում դատապարտել է ԱՄՆ-ի կողմից աճող կոշտ մրցակցությունը՝ ասելով, որ դրա նպատակն է թուլացնել և Միացյալ Նահանգներին ենթարկել Եվրոպան։
«Եվրոպան պետք է լուծի իր հիմնական մարտահրավերները», - ընդգծել է Մակրոնը՝ կոչ անելով ավելացնել նորարարություններն ու մասնավոր ներդրումները տնտեսության հիմնական ոլորտներում։
Նա իր ելույթը սկսել է հետևյալ խոսքերով․ «Եկել է խաղաղության, կայունության և կանխատեսելիության ժամանակը»՝ նշելով սակայն, որ որոշ դեպքերում հակամարտությունները դարձել են նորմա։
